Pas më shumë se katër vjetësh, mundësia shprehëse e koleksionit të tij të pullave të rralla dhe i materialeve postare që i përkisnin Lojërave Verore Olimpike, ishte rritur shumë. Në vitin 1995, ai fitoi Medalje të Arta në Takimin e Tretë të Sporteve të Qyetit dhe në Takimin e Katërt të Sporteve Kombëtare të Ekspozitës Filatelike. 

Shumë shpejt më pas, Yang mori një kërkesë nga Shoqata Kineze e Sporteve dhe e Ekspozites Filatelike, e cila i kërkonte atij që të merrte pjesë, me koleksionet e tij, në Ekspoziten Olimpike të Filatelisë që do të zhvillohej në Atlanta më 1996, së bashku me Lojërat e 26-ta Olimpike. Ai fitoi një Medalje të Argjendtë në këtë ekspozitë dhe, si një ndër anëtarët e parë në historinë e Filatelisë Olimpike, ai fitoi edhe Çmimin e Nderit, të dhënë nga Federata Ndërkombëtare e Filatelisë Olimpike.

Yang fitoi Medalje të Arta më 1997, në Ekspozitën Kombëtare të Filatelisë Olimpike të Chongqing-ut dhe më 1998, në Ekspozitën e të njejtit lloj të Tianjin-it. Pastaj ai vendosi të merrte pjesë, më 1999, në Ekspozitën e Filatelisë China World, që ishte ekspozitë e një niveli botëror. Ai zgjodhi për këtë ekspozitë 390 pulla dhe materiale të tjera postare nga 53 vende, duke shtuar përbri këtyre pullave të rralla shpjegimet përkatëse. P. sh., ai zotëronte pulla që i përkisnin vitit 1986 për Lojrat Olimpike të zhvilluara në Greqi, në të cilat qeveria Greke e mbështeti ekonomikisht zhvillimin e këtyre lojrave vetëm në bazë të fondit të grumbulluar nga shitja e pullave. Ose për shembull, ai zotëronte pulla të vitit '73 të shpërndara në Haiti për nder të atletëve izraelitë, të vrarë në Lojërat e 20-ta Olimpike të vitit 1972. Ai shpjegonte për këto pulla që pesë palestinezë anëtarë të grupit famëkeq "Shtatori i Zi" bënë një sulm të papritur kundër atletëve izraelitë në Fshatin Olimpik të Mynihut, duke vrare 11 prej tyre. Pra, për çdo pullë ai kishte shkruar një historik të shkurtër. Koleksioni i tij u vlerësua si më i miri dhe si një miniaturë e larmishme e Lojërave të mëdha Olimpike të zhvilluara ndër vite dhe fitoi Çmimin e Madh.

Ndërkohë, edhe tani Yang nuk rresht së kërkuari dhe grumbulluari pulla për të pasuruar akoma më shumë koleksionin e tij të jashtëzakonshëm. Ai thotë që shpirti olimpik është më i shpejti, më i larti dhe më i forti. Eshtë shpirt i etjes për fitore dhe i ecjes gjithmonë përpara, pa iu trembur konkurrencës dhe punës që kërkon mund e djersë. (R.Stringa)