Filatelia dhe mbledhja e pullave ka tërhequr prej kohësh shumë njerëz të moshave dhe profesioneve të ndryshme anembanë botës. Ja si shprehet një koleksionist i apasionuar pullash, i moshës shkollore, për këtë kënaqësi të vetën: "Filatelia është një kënaqësi e vecantë. Cdo herë që unë hap albumet dhe shikoj me vëmendje pullat që kam mbledhur vite me rradhë, mësoj dicka të re. Në disa prej tyre janë stampuar vizatime apo fotografi zogjsh, kafshësh, pemësh ose lulesh të rralla. Me xham zmadhues ato duken shumë të bukura dhe më ndihmojnë që të shtoj njohuritë e mia për natyrën. Në pulla të tjera ka portrete figurash historike, siç janë Dr. Sun Yatsen, George Washington, Gjergj Kastrioti-Skënderbeu etj. Kur ndesh ndonjë emër të panjohur, unë përpiqem të hap horizont duke konsultuar fjalorin enciklopedik. Në këtë mënyrë, unë kam arritur të mësoj dicka për ca njerëz që janë bërë të famshëm për këtë ose atë arsye. Disa nga miqtë dhe kushërinjtë e mi, që e dinë interesin tim për pullat, më tregojnë zarfet e tyre. Nëse unë shoh ndonjë pullë, të cilën kurrë s'e kam parë më parë ose s'e kam gjetur akoma, i them atyre të ma japin. Eshtë gjithnjë kënaqësi të shtosh një pullë të re në koleksionin tënd dhe sa më shumë pulla të mbledhësh aq më shumë rritet interesi për filatelinë".

Sot ne do të ndalemi te koleksionisti i jashtëzakonshëm kinez i pullave të Lojërave Olimpike, Yang Guisong. Ai banon në Nanjing të Provincës Jiangsu. Ai është grumbulluesi i një koleksioni pullash që kanë të bëjnë me Lojrat Moderne Olimpike të Verës (emri në origjinal është Shkëlqimi i Pesë Rrathëve të Nderlidhur - Lojërat Moderne Olimpike të Verës)

Yang Guisong tani punon në Brigadën e Shërbimeve të Sigurimeve Publike të Jiangsu-së. Më parë ai ka punuar për 18 vjet në Forcat e Flotës Ushtarake Ajrore dhe shumë shpejt pasi ai kishte nisur punën aty, më 1979, filloi të koleksiononte pulla. Zanafilla e këtij hobi qe koha kur motra e tij më e madhe i kërkoi vëllait të saj Yang, të hiqte pullat nga korrespondenca që ata kishin me njeri-tjetrin dhe t'ia postonte asaj. Nëse ai do të merrte shumë letra prej saj me të njejtat pulla, atëhere ai duhet t'i dërgonte disa asaj dhe të tjerat, nëse dëshironte, mund t'i mbante për vete.

Pas pak kohe, kolegët e tij gjithashtu filluan t'i hiqnin pullat nga zarfet e tyre dhe t'ia jepnin atij dhe kështu koleksioni i tij sa vinte e shtohej. Kur kishte kohë të lirë, ai shkonte në qytet dhe blinte pulla të reja ose libra apo revista që kishin të bënin me koleksionimin e tyre. Takonte postierët, vizitonte ekspozitat e pullave, madje, takonte edhe drejtues të revistave filatelike.

(R.Stringa)