dëgjoni

Çu Ling-vang, mbret i shtetit Çu, ishte ambicioz dhe, për të vendosur kudo hegjemoni, invadonte vende të tjera dhe masakronte banorë të thjeshtë, si pasojë, ai urrehej edhe nga të afërmit e tij. Në vitin 531 para erës së re, ai ndërmori një okupacion ushtarak në shtetet Çen dhe Cai dhe e dërgoi vëllanë e tij Çiji të sundonte atje. Më

vonë, ai rrethoi me trupa ushtarake shtetin Shy, duke u bërë gati ta aneksonte atë njëkohësisht me shtetin Vu.

Atë ditë, kur Çu Ling-vangu arriti në Jingvei, binte dëborë. Në mbrëmje, ai kishte vënë mbi kokë një kurorë prej gëzofi, kishte veshur një xhup të mbushur me pupla rose, të dhuruar nga shteti Çin, kishte mbathur në këmbë një palë çizme prej lëkure leopardi dhe mbante në dorë një kamxhik lëkure. Ai doli i gëzuar për të soditur pamjen e natyrës me dëborë dhe po tregohej mjaft fodull.

Pak kohë më vonë, Çu Ling-vangu mori një lajm të keq: vëllai i tij Çiji u kthye në atdhe, bëri me sukses grushtin e shtetit, e shpalli veten e tij "mbreti Ping-vang" i shtetit Çu dhe deklaroi se rivendosi sovranitetin e shteteve Çen dhe Cai. Pas merrjes së këtij lajmi, Çu Ling-vangu filloi tërhegjën e trupave ushtarake nga kryeqyteti duke ëndërruar të rimerrte fronin, por sapo arritën në zonën Qiansi, trupat ushtarake u shpërndanë dhe pothuajse të gjithë ikën me të katra.

Kur mori vesh se të dy bijtë e tij u vranë gjatë grushtit të shtetit, Çu Ling-vang ra poshtë qerres. Ai u ngrit dhe pyeti: "Edhe të tjerët i duan bijtë e tyre kështu si unë?" Një ushtar plak iu përgjigj: "Të tjerët i duan bile edhe më shumë se ju. Por ata ushtarë pleq, që kanë mbetur pa familje dhe pa fëmijë si unë, nuk do të bëjnë gjë tjetër, veçse do të mbushin hendeqet me trupat e tyre të vdekur. " Çu Ling-vangu psherëtiu dhe tha: "Ç' të bësh! Sa bij dhe bija të të tjerëve kam vranë unë gjatë jetës sime! Dhe tani si të mos e pësoj kështu! "

Çu Ling-vangu mori me hua një varkë të vogël dhe deshi të ikte për mërgim në zonën Jan bashkë me kryeministrin e krahut të djathtë Zheng Dan, por menjëherë vuri re se edhe Zheng Dan ishte nisur për në kryeqytet. Çu Ling-vang mbeti vetëm në Qiansi dhe filloi të kishte vertitur në një luginë. Ai pa disa katundarë, por katundarët nuk guxonin t'i afroheshin atij. Më vonë ai takoi një gurgdhendës që e njihte dhe i tha: "Gjej ca ushqime për mua. Unë kam tri ditë s'kam 1 në goje." Gurgdhendësi ia përgjigj: "Mbreti i porsashpallur ka bërbuar një dekret se, kush ju jep ushqim, ju do tu vriten pjesëtarët e tre brezave të familjes." Çu Ling-vangu u shtri përdhe dhe filloi të pushonte, duke e mbështetur kokën mbi një krah. Pasi iku gurgdhendësi, ai deshi të ngrihej në këmbë, por tashmë nuk ishte më në gjendje të ngrihej.

Një burrë me emrin Shen Hai e gjeti Çu Ling-vangun në një kënetë, e mori atë në shpinë, e çoi në shtëpinë e vet dhe i dha ushqim. Po atë natë, Çu Ling-vangu vari veten në tra, duke i dhënë kështu fund jetës së tij.

Duke komentuar këtë ngjarje, ideologu i kohës së lashtë Konfuci ka thënë: " Të tejkalosh veprimet e tua të këqija dhe të kthehesh në binarin e riteve, kjo është dashamirësi. Sa mirë është që të veprosh në këtë mënyrë! Në rast se edhe Çu Ling-vangu kishte vepruar kështu, si mund ta pësonte ai goditjen fatale në Qiansi? "