Kënga: " E hedhim lart këngën e rakisë" është përpunuar nga Hu Song Hua, në bazë të këngës popullore të kombësisë tibetiane. Në këngë me ritëm të shpejtë, entusiast dhe të pastër përshkruhet admirimi i banorëve tibetianë për jetën e lumtur. Në vargjet e këngës thuhet: "E hedhim me zë të lartë këngën e rakisë, burri Qiangba di shumë këngë. Me gotë të mbushur me raki të këndshme, burri guximtar i uron atdheut begati dhe fuqizim."

Hu Song Hua është një këngëtar i famshëm kombëtar kinez. Këngët e pakicave kombëtare, të interpretuara prej tij me ndjenja shumë të imta dhe me stil të theksuar kombëtar, pra, janë shumë të mirëpritura nga spektatorët.

Hu Song Hua filloi të lidhet ngushtë me këngët e pakicave kombëtare qysh në vitet 50-të të shekullit të kaluar, kur shkoi për dhënie shfaqjesh dhe për kërkim në zonat e pakicave kombëtare të Kinës jug-perëndimore. I riu Hu Song Hua u tërhoq fort nga muzika e larmishme e pakicave kombëtare kineze dhe filloi të grumbullojë, të përpunojë dhe të këndojë këngë të pakicave kombëtare kineze. Në vitin 1960, kënga popullore e kombësisë mongole të Kinës "Sëngjidema", e përpunuar dhe e kënduar nga Hu Song Hua, ka tronditur tribunën e këngëve të Kinës. Ky sukses ka forcuar akoma më shumë vendosmërinë e Hu Song Huas për çështjen e këngëve të pakicave kombëtare.

Kjo është një këngë popullore mongole, ku përshkruhen dashuria dhe malli i njerëzve për vajzën e bukur dhe bujare të kombësisë mongole Sëngjidema. Në vargjet e këngës thuhet: " Uji i kulluar i liqenit dhe qielli i kaltër me rreze të ndritura dielli nuk mund të krahasohen me pastërtinë tënde, lulet e bukura e të këndëshme nuk mund të krahasohen me bukurinë tënde. O Sëngjidema zemërmirë, mua më ka marrë shumë malli për ty!"

Gjatë më se 50 vjetëve, Hu Song Hua ka shkuar në zonat e mbi 40 pakicave kombëtare të Kinës, ku ka mësuar, grumbulluar, përpunuar një sasi të madhe këngësh të pakicave kombëtare me stile të ndryshme. Mjaft këngë të interpretuara prej tij fituan shumë çmime në konkurset e ndryshme muzikore të Kinës. Edhe Hu Song Hua vetë quhet me përzemërsi nga banorët e kombësive të ndryshme të Kinës si "këngëtari ynë". Si misioner i muzikës, Hu Song Hua ka vizituar SHBA-në, Japoninë dhe mbi 20 vende të tjera të botës, ku mirëpritet dhe preferohet nga spektatorët e huaj.

Më në fund ju ftojmë të lexoni këngën: "Ju uroj miqve tanë, sigurim dhe qetësi!"

Të dashur lexues, ju prezantuam këngëtarin e famshëm kombëtar kinez Hu Song Hua dhe disa këngë të pakicave kombëtare të interpretuara prej tij. ( Daming )