Agjensia Kineze e Lajmeve Hsinhua njoftoi se ditët e fundit në autostratën e Pekinit për në aeroport është ngritur një reklamë e Rajonit së Teknologjisë së lartë të Sianit. Për këtë Drejtori i Komisionit Administrativ të këtij rajoni Gjin Gjin Hai tha se kjo reklamë me çmim të lartë tregon se ky rajon është i vendosur të luajë rolin e motorit në zhvillimin e shkencës dhe të teknologjisë të qytetit të Sianit. Objektivi i Sianit është që në vitin 2010 në Sian të krijohet një qendër e re tekniko-shkencore e Kinës.

Në një konferencë shtypi për prezantimin e objekteve të Rajonit të teknolojisë së lartë të Sianit, që u organizua ditët e fundit në Pekin, zoti Gjin theksoi se do të punojë në katër drejtime: krijimi i sistemit të ri të shpikjeve teknologjike, krijimi i armatës së punonjësve tekniko-shkencorë, krijimi i ndërmarjeve tekniko-shkencore dhe tërheqje e investimeve të huaja.

Është tërheqës fakti se Siani është qyteti që ka ngritur më shumë ndërmarrje të mesme dhe të vogla tekniko-shkencore, duke u mbështetur tek burimet vendëse. Tani në Sian janë ngritur mbi 6 mijë ndërmarrje të tilla dhe po shtohen afro një mijë në vit. Në Sian ngrihen mesatarisht 3,7 ndërmarrje tekniko-shkencore në ditë dhe të paktën një arritje shkencore e kthyer në produkt ka hyrë në treg.

Sipas njoftimeve, Siani është qyteti, ku u prodhua motori i parë i raketës në Kinë, u prodhuan edhe kompjutri i parë i nivelit të lartë, qarku i parë i integruar dhe aeroplani i parë i pasagjerëve në Kinë. Sipas Akademisë së Shkencave Shoqërore të Kinës, Siani është qyteti me rezervat më të mëdha për zhvillimin e teknologjisë së re e të lartë të Kinës. Siani ka tani 672 institucione të kërkimeve shkencore, ku punojnë 420 mijë punonjës tekniko-shkencorë, që përbëjnë 25% të numrit të përgjithshëm të punonjësve të të gjithë qytetit të Sianit. Kjo përqindje zë vendin e parë ndër qytetet e Kinës. Rajoni i teknologjisë së lartë i Sianit është një nga 5 rajonet e këtij lloji, të ngritur në vitin 1991 gjatë periudhës së planit të l0-të pesëvjeçar të Kinës. Deri në fund të vitit 2003 janë realizuar mbi 5 mijë arritje tekniko-shkencore, ndër to 846 janë radhitur në krye të të tjerëve. Të ardhurat e përgjithshme industriale dhe tregtare të Rajonit të Teknologjisë së lartë të Sianit në vitin 2003 arritën 61 miliardë e 556 milionë juanë, duke u shtuar 27,93% në krahasim me vitin 2002. ( zhang )