Në një simpozium të politikës mbi investimet e biznesmenëve të huaj në Kinë, që u mbajt, ditët e fundit, në Honkong, zv/ministrja e tregtisë e Kinës, Ma Xiou Hong tha se, nga viti 2002 deri në gusht të vitit 2004, numri i ndërmarrjeve të reja të industrisë shërbyese me investimet e biznesmenëve të huaj në krahina të brendshme të Kinës arriti në 17351. Vëllimi i investimeve të huaja reale është 33 miliardë e 400 milionë dollarë amerikanë. Kjo shifër e kaloi shumë nivelin e dikurshëm. Ndër to, përqindja e rritjes së investimeve të biznesmenëve të huaj në fushën tregtare, në fushat e shërbimeve të arsimit, të transportit, të mjekimit etj e kaloi mesatarisht 50%-in.

Siç mësohet, nga janari deri në korrik të këtij viti, numri i ndërmarrjeve me investimet e biznesmenëve të huaj në fushën e tregtisë shërbyese të krahinave të brendshme arriti në 4523. Vëllimi i investimeve të huaja në kontrata është 16 miliardë e 999 milionë dollarë amerikanë dhe investimet e huaja të përdorimit real janë 9 miliardë e 376 milionë dollarë amerikanë, duke u shtuar përkatësisht 17,9%, 20,5% dhe 7,61% në krahasim me të njëjtën periudhë të vitit të kaluar.

Ma Xiou Hong tha, gjithashtu, se qeveria kineze ka zbatuar plotësisht premtimet e pranimit në Organizatën Botërore të Tregtisë dhe publikoi përkatësisht mbi 40 rregulloret dhe rregullat, që prekin monedhën, sigurimet, tregtinë, turizmin, komunikacionin etj. Në bazë të shpejtimit të hapjes së tregtisë shërbyese, qeveria kineze ka marrë edhe shumë masa të reja gjatë këtij viti, si "Ligji i tregtisë së jashtme", "Metodat e administrimit për investimet e biznesmenëve të huaj në fushën tregtare" etj. Zbatimi i tyre ka zgjeruar fushën, sferën e shërbimeve të shitjes së tregtarëve të huaj dhe ka pakësuar procedurën ndaj investuesve për krijimin e ndërmarrjeve tregtare në krahina të brendshme.

Në fund të këtij viti, do të publikohet tregu i shitjes me shumicë të librit dhe të revistës. (Sihai)