Në radhë të parë do të dëgjoni edhe një herë variatin burimor të këngës: "Qëndisja e kuletës" të provincës Ynan e Kinës jug-perëndimore. Në këtë këngë pasqyrohet në mënyrë të gjallë shprehja e guximshme e dashurisë së një vajze.

Kuleta e qëndisur është një lloj punimi artizanal në gjirin e popullit kinez dhe zakonisht qëndiset nga vajzat. Duke e qëndisur, vajza shkrin aty ndjenjat e dashurisë për të dashurin e saj. Megjithëse është e vogël, kuleta është simbol i dashurisë së pastër. Si në krahinat jugore, ashtu edhe në ato veriore të Kinës, si tek banorët e kombësisë Hane, edhe tek ata të pakicave kombëtare, kuleta e vogël konsiderohet si dhuratë simbolike midis të rinjve e të rejave.

Më poshtë do të dëgjoni variantin e kësaj kënge: " Qëndisja e kuletës", të përhapur në zonat e provincës Shandong të Kinës lindore. Në krahasim me atë të Ynanit, kjo këngë ka një stil krejt të ndryshëm. Ajo ka melodi të rrjedhshme e të bukur e me karakteristika të theksuara krahinore. Në këngë përshkruhen hollësisht ndjenjat e brendshme të vajzës.

Kuletat janë të formave të ndryshme, të rrubullakëta, katërore, në formë të erashkës etj. Zakonisht, vajza e qëndis kuletën me kokë të ulur dhe e përqëndruar, duke kënduar nën zë këngën e zemrës. Me kalimin e kohës, kjo këngë dalëngadalë nis e formësohet dhe është bërë tani një nga më të rëndësishmet e këngëve popullore tradicionale të Kinës. Sipas dokeve e zakoneve të ndryshme të krahinave të ndryshme janë formësuar edhe variante të tjera me stile të ndryshme të kësaj kënge. Më poshtë, do të dëgjoni variantin e këngës: "Qëndisja e kuletës" të kënduar në provincën Sëçuan.

Në krahina të ndryshme të Kinës janë përhapur këngë të ndryshme me titullin: "Qëndisja e kuletës", që kanë motive dhe stile të ndryshme të të kënduarit. Në këngën: " Qëndisja e kuletës" të provincës Shansi i këndohet një vajzë fshatare, që duke qëndisur kuletën, shpreh ndjenjat e dashurisë së madhe për të dashurin e saj.

Në zonat në jug të lumit Jance ka një zakon që, para se të bëhet dasma, vajza duhet të bëjë shumë pajë, sidomos me punime të qëndisura. Në këtë këngë të qëndisjes së kuletës nga vajza e provincës Gjiansu përdoret mënyra e të kënduarit me pyetje, që nga qëndisja e parë deri në qëndisjen e 10-të.

Më në fund ju ftojmë të shijoni këngën e qëndisjes së kuletës, të përhapur në provincën Shensi. ( Daming )