Sot, do t'ju prezantoj këngët e kompozitorit të famshëm të Kinës, Sy Pei Don.

 Kënga që po dëgjoni titullohet "Kënga që fluturon nëpër tokë", ajo është kënduar nga Song Xu Yin. Melodia e kësaj kënge është krijuar nga Sy Pei Doni dhe teksti është shkruar nga Xheng Nani. Kjo këngë u krijua më 1999 posaçërisht për Festivalin Artistik Ndërkombëtar të këngëve popullore të Nan Ninit dhe ishte kënga me temën kryesore të Festivalit. Me melodinë prekse dhe me një stil të freskët, kënga shpreh dashurinë e popullit të kombësive të ndryshme të rajonit autonom Guang Xi?Xhuanit për jetën e lumtur.

Sy Pei Doni është kompozitor shumë i njohur në Kinë, ai është marrë me punë muzikore për më se 30 vjet. Ka krijuar mbi 1 mijë vepra muzikore dhe ka tematikë të pasur e stil të larmishëm, veprat e tij janë mirëpritur shumë. Tani, le të dëgjojmë këngën "Për gjithë jetën".

Kënga që po dëgjoni është kënga me titull "Për gjithë jetën". Ajo është një këngë e kompozuar nga Sy Pei Doni posaçërisht për filmin telenovelën "Gjithë jeta ime". Me stilin muzikor të repit, kënga përshkruan jetën e njërëzve të shtresës së ulët para shpalljes së Kinës së Re. Sy Pei Doni e kombinon stilin e theksuar kombëtar me muzikën moderne dhe kështu kjo këngë është popullore, madhështore dhe e thjeshtë për këndim, dhe përshtatet shumë me përmbajtjen e filmit televiziv.

Sy Pei Doni ka arritje të mëdha në krijimtari muzikore, veçanërisht në krijimin e këngëve pop, këngëve popullore të zërave të bukur, të muzikës së filmave, të baletit etj. Në krijimin e veprave muzikore me temë historike, ai ka treguar aftësi të madhe. Tani, ju ftojmë të dëgjoni këngën "Ai që gëzon përkrahjen e popullit, fiton botën", e cila është kolona zanore e filmit televiziv "Dinasitia e perandorit Yong Zheng".                                 (Vei)