Filmi artistik kinez "Stepa qiellore" është filmi i parë i përpunuar me teknologji digitale. Në këtë film shtjellohet historia magjike e një djaloshi të kombësisë hane në stepën e gjerë të Mongolisë së Brendshme. Në këtë film, spektatorëve u sigurohet një panoramë e mrekullueshme piktoreske e natyrës karakteristike të Mongolisë së Brendshme të Kinës, ku mbretëron një forcë magjike tërheqëse e kulturës së stepës.

Në mes të mjegullës së stepës, kopetë e dhënëve lëviznin si retë. Personazhi kryesor i filmit është një burrë i kombësisë mongole, që porsa ka dalë nga burgu. Bashkë me të birin e një miku të tij të burgut, ai u kthye në çadrën e tij të bukur të kombësisë mongole, nga e cila është larguar prej kohësh. Në këtë çadër mongole jetojnë gruaja dhe vëllai i tij. Më vonë, ata bëhen prindërit dhe xhaxhai i një djaloshi. Kuajt, kopetë e dhenve si dhe dashuria e miqve i dhurojnë djaloshit të vogël dashurinë e sinqertë të familjes mongole. Dhe është pikërisht ky djalosh i vogël që nxjerr në shesh dashamirësinë e përgjegjësinë e fshehur në zemrën e këtij burri të fortë dhe trimi mongol, duke kthyer në familje harmoninë dhe duke e shpëtuar atë nga rreziku i shkatërrimit.

Këtë film e drejtuan regjizorët e njohur Sejfu dhe Melis që vazhdimisht kanë parapëlqyer të xhirojnë me temën e stepës. Ata kanë xhiruar shumë filma të njohur kinezë. Në filmin artistik "Stepa qiellore" të gjitha ngjarjet shtjellohen nëpërmjet vogëlsirave të përditshme. Në film pasqyrohen, nëpërmjet vështrimit të një djaloshi, furra e ngrohtë në çadrën e kombësisë mongole, çaji i nxehtë prej qumështit të nënës, trimëria e gjahtarit që gjuan ujqër, kthjellësia e qiellit të kaltër pas shiut në stepë etj,etj. Të gjitha këto voglësira, të përcjella nga këndvështrimi i një fëmije, duken si një botë e mjegullt, e ftohtë dhe e pakuptueshme.

Bukuria e këtij filmi buron nga një thjeshtësia dhe siqeriteti i pasqyrimit të realitetit.

Ky film artistik me një cilësi të mirë peisazhi, me shkrirjen e panomave të bukura të natyrës stepore, me tregimet humane etj, krijon një forcë të madhe tërheqëse artistike dhe i bën për vete spektatorët.

Filmi ka fituar 9 çmime në konkurse të ndryshme kinematografike kombëtare, krahinore dhe të filmave me temë nga pakicat kombëtare. (zhai)