Në kohën kur drejtori Lin Min po intensifikonte transformimin e fabrikës dhe po priste ardhjen e linjës gjermane të prodhimit, gjermanët përcaktuan, befasisht, para kohe, datën e provës së fabrikës. Në rast se nuk arrihej standardi i provës, kontrata e nënshkruar do të mbetej vetvetiu e pavlefshme. Drejtori Li Min dhe ndihmësi i tij, kryeinxhinieri Sian Hua kërkuan që të gjithë punonjësit e fabrikës të punojnë ditë e natë për pastrimin e mjedisit të fabrikës. Vullneti dhe përpjekjet e drejtorit Lin Min dhe të punonjësve të fabrikës për ndryshimin e pamjes së prapambetur të fabrikës, i prekën specialistët gjermanë, që erdhën këtu për provë. Prova kaloi me sukses dhe u prodhuan kontigjenti i parë i frigoriferëve në linjën gjermane të prodhimit.

Nën presionin e madh të tregut, organi epror kërkoi që fabrika të shtojë prodhimin. Punëtorët e fabrikës, që qenë mësuar me prodhim në sasi të vogël të produkteve, nuk i kushtuan vëmendjn e duhur prodhimit me norma të larta të cilësisë. Megjithëse drejtori Lin Min nguli këmbë në kualifikimin teknik të të gjithë punëtorëve, në depon e fabrikës mbetën 76 frigoriferë jashtë standardit. Drejtori Lin Min, i zemëruar shumë, mori vendim për shkatërrimin e këtyre frigoriferëve jashtë standardit. Pas disa vjet përpjekjesh, frigoriferi i markës Haier fitoi medaljen e parë të artë në historinë e prodhimit të frigoriferëve në Kinë.

Drejtori Lin Min u kap pas shansit historik të fjalimit të Ten Siao Pinit gjatë vizitës në jug të Kinës dhe parashtroi objektivin strategjik të zhvillimit të fabrikës, në shumë drejtime. Ai, me fondet e grumbulluara të fabrikës bleu një terren prej 50 hektarësh për krijimin e parkut industrial të Hajerit. Në kohën kur mungonte një pjesë e fondeve, kompania amerikane AE u shpreh se dëshironte të jepte përkrahje financiare, duke blerë të drejtën e kontrollit të aksioneve të fabrikës. Lin Min refuzoi kushtet e paraqitura nga kjo kompani dhe hoqi dorë nga bashkëpunimi me kompaninë AE.

Kur drejtori Lin Min ndodhej në gjendje shumë të vështirë, sekretari i komitetit të partisë dhe kryetari i bashkisë së qytetit Xhao Di Zhi, që u prek shumë nga fryma këmbëngulëse e drejtuesve të fabrikës, vendosi t'i japë fabrikës së Hajerit shumën e 50 milionë aksioneve të qytetit. Në fund të vitit 1993 fabrika e frigoriferëve Hajer, me sukseset e arritura, hyri në tregun e aksioneve të Shangait, duke dalë nga gjendja e vështirë ekonomike.

Në maj të vitit 1995, u përurua parku industrial Hajer. Drejtori Lin Min parashtroi objektivin e dytë strategjik të zhvillimit dhe, brenda një viti, me formën e zgjerimit me kosto të ulët, aneksoi 18 ndërmarrje të tjera të vendit, duke u zgjeruar në fushën e prodhimit të pajisjeve elektroshtëpiake të informatizuara. Nën nxitjen nga "mekanizmi i hopit të madh" të drejtorit Lin Min, një brez i ri me ideal të lartë, me studentin Jan Jan në krye, është rritur dhe është bërë forcë kryesore për hapjen e tregut ndërkombëtar të Hajerit. Guximi dhe talenti i tyre prekën biznesmenin francez Leomo dhe shpejt u hap tregu francez.

Në pranverën e vitit 1999, produktet e markës Hajer u ekspozuan në panairin ndërkombëtar të pajisjeve elektroshtëpiake, të organizuar në Këlun të Gjermanisë. Drejtori Lin Min u dha 8 tregtarëve evropianë çertifikatën speciale të shit-blerjes. Kjo tregon se marka kineze Hajer filloi të hyjë në tregun ndërkombëtar. Presidenti i kompanisë Libo, që ia shiti fabrikës së Hajerit linjën e prodhimit të frigoriferëve, erdhi këtu për përgëzim. Ai tha hapur se nuk e kishte parashikuar këtë zhvillim të fabrikës së Hajerit dhe se ka përgatitur me duart e veta një konkurrent të tmerrshëm për Evropën dhe për të gjithë botën.

Përballë orvatjeve të kompanisë AE për ndalimin e hyrjes së produkteve kineze në tregun ndërkombëtar nëpërmjet antidumpingut, drejtori Lin Min e ndjente se ndërkombëtarizim do të thotë edhe kombëtarizim. Për të kapërcyer pengesat e njëpasnjëshme të tregut ndërkombëtar, duhet të shpejtohen hapat për ngritjen e ndërmarrjeve në vende të tjera të botës. Ndërmarrja e parë jashtë vendit duhet të ngrihej në SHBA, vend ky me ekonominë më të zhvilluar në botë. Në maj të vitit 2000, u përurua parku industrial i Hajerit në SHBA. Gjatë tenderit në SHBA, fitoi frigoriferi i markës Hajer, i prodhuar në SHBA.

Në pallatin e Hajerit në bulevardin Manhatan të Nju Jorkut, Drejtori Lin Min u takua përsëri me Kleonin dhe, ky i fundit, i tha Lin Minit: " Ju jeni tani Hajeri amerikan dhe ligjet amerikane do t'ju mbrojnë Por ndërmarrja juaj është akoma e vogël. Nuk mund të siguroj se, edhe në të ardhmen, nuk do t'ju aneksojmë". Kur u largua Kleoni, Lin Mini u zhyt në mendime të thella.

Në konferencën e shtypit me rastin e 17 vjetorit të fabrikës së Hajerit dhe të vëllimit të saj tregtar të vitit 2001 prej 60 miliardë juanësh në botë, drejtori Lin Min shprehu shqetësim të madh për situatën serioze të hyrjes së investimeve të huaja pas pranimit të Kinës në Organizatën Botërore të Tregtisë. Ai tha se për të realizuar ëndrrat e fuqizimit të vendit dhe të lulëzimit të kombit tonë duhen akoma përpjekjet e disa brezave tona. Por jam i bindur se kur të gjejmë rrugën e zhvillimit, nuk do të trembemi nga rruga e gjatë. ( zhang )