Këngët popullore të kombësisë Hane në provincën Ynan me këngët malore dhe meloditë e tyre popullore dallohen në mbarë vendin tonë. Ato këndohen nga banorët duke punuar arave, plantacioneve, duke kullotur bagëtitë rrëzë maleve. Përmbajtja e tyre kryesore është përshkrimi i dashurisë midis të rinjve e të rejave.

Kënga me titull: " Rjedh uji i kulluar i përroit" është një këngë lirike malore, ku pasqyrohet një pamje panomarike: Nën rrezet e argjendta të hënës dhe majat e maleve të rrethuara me re të bardha, vajza qëndron buzë lumit të vogël, djali punon në thellësi të maleve. Duke parë hënën e ndritur, vajza kujton të dashurin e saj. Zëri i këngës së vajzës plot me ndjenja të plota dashurie kumbon nëpër male e luginë, që arrin te veshët e të dashurit të saj.

Këngët malore të provincës Ynan janë shumë të pasura. Në çdo mal ose luginë përhapet një lloj kënge malore me melodi të ndryshme dhe me formë të ndryshme të të kënduarit. Për shembull, "Melodia e karvanit të kuajve" është e përhapur në Binxhou, Sianyun të pjesës perëndimore të Ynanit. Transportuesit e mallrave me kuaj duke kënduar këtë këngë, shprehin ndjenjat e gëzueshme për jetën e tyre.

Si këngë malore, edhe meloditë e këngëve popullore të provincës Ynan, janë të përhapura gjërësisht në popull. Meloditë me motive të shkurtra janë këngë, të kënduara nga banorët gjatë pushimeve në arë, gjatë argëtimeve ose takimeve popullore, ose gjatë ditëve të festës etj. "Meloditë e fenerëve" janë të pëlqyeshme nga banorët, sepse kanë strukturë të thjeshtë e të shkurtër dhe janë me ritëm të qartë, si dhe shpesh me referime të shumta. " Qëndisja e kuletës" është një "melodi tipike e fenerëve", ku përshkruhet pamja e qëndisjes së kuletës nga një vajzë për të dashurin e saj. Kuleta është dhurata e saj për të

" 10 motrat " është një melodi tjetër e famshme ndër "meloditë e fenerëve" të Ynanit. Provinca Ynan është një nga provincat e mëdha të prodhimit të çajit. Në këtë këngë përshkruhet pamja e gëzueshme e punës së 10 motrave, duke vjelë çaj në mal.

Të dashur lexues, në fund të këtij programi muzikor do të shijoni melodinë me titull: "Gjëegjezë", që është një këngë fëmijësh gjatë lojërave me dialog. Në këtë këngë melodioze pasqyrohet zgjuarësia e fëmijëve për përhapjen e njohurive shkencore.

Të dashur lexues, shijuat një grup këngësh të kombësisë Hane të provincës Ynan të Kinës jug-perëndimore. Mirudëgjofshim herën tjetër. ( Daming )