dëgjoni

Më 1 tetor të këtij viti Republika Popullore e Kinës do të mbushë 55-vjet. Gjatë rrugës 55-vjeçare të Kinës së Re ka pasur shumë tregime lidhur me luftën këmbëngulëse. Rruga e rritjes së moshatarit të RP të Kinës dhe drejtorit të përgjithshëm të Shoqërisë kineze të transportit oqeanik Vei Gjia Fu është miniatura e zhvillimit të çështjes së transportit oqeanik të Kinës dhe ai vetë është dëshmimtar i zhvillimit të Kinës nga mbyllja drejt lulëzimit.

Në dimrin e vitit 1949, Vei Gjia Fu lindi në një familje fshatare të provincës Gjiansu në lindje të Kinës. Pas mbarimit të shkolës së mesme ai zgjodhi një teknikum për të vazhduar studimet, për shkak se gjendja ekonomike e familjes së tij ishte e vështirë. Atëherë ekonomia kineze sapo kishte filluar të zhvillohet dhe qeveria vendosi të zhvillojë çështjen e transportit oqeanik që përfaqëson potencialin ekonomik dhe teknik të vendit. Kështu, në vitin 1961 u formua Shoqëria e përgjithshme e transportit oqeanik e Kinës . Pas 3 vjetëve , Vei Gjia Fu u caktua të punojë në këtë shoqëri dhe pas 8 vjetësh ai u bë kapiten i një anije të transportit oqeanik.

Në vitin 1998, Vei Gjia Fu, ky burrë që ka punuar për shumë vjet nëpër dete e oqeane u caktua drejtor i përgjithshëm i kësaj shoqërie. Duke folur për rrugën ku ka kaluar, Vei Gjia Fu tha se ai e ka parë me sytë e vet zhvillimin e shoqërisë së tij dhe zhvillimin e forcimin e pandërprerë të Kinës së Re.

"Kam punuar për 37 vjet në Shoqërinë e transportit oqeanik të Kinës. E kam ndjerë vetë faktin se historia e shoqërisë sonë është lidhur ngushtë me historinë e reformës dhe të hapjes së Kinës ndaj botës së jashtme. Kam ndjerë aftësinë e PK të Kinës në pushtet dhe të ardhmen e Kinës."

Si një ndërmarrje e transportit ndërkombëtar e Kinës së Re, Shoqëria e tij kishte në fillim vetëm 4 anije, kurse tani ajo disponon dhe administron mbi 600 anije moderne, me një fond të përgjithshëm prej 18 miliardë dollarësh amerikanë. Anijet dhe konteinerët e kësaj shoqerie shkarkohen e ngarkohen në mbi 1300 porte të 160 vendeve dhe rajoneve të botës.

Vei Gjia Fu tha me krenari se në të gjitha detet dhe oqeanet dhe në të gjitha portet e mëdha të botës Shoqëria e Transportit Oqeanik e Kinës është një shënjë tërheqëse dhe e respektuar, kudo që shkojnë, në anijet e saj valviten flamurë të kuq me 5 yje. Jo vetëm kaq, Shoqëria kineze e transportit oqeanik jo vetëm merret me transportin oqeanik, por edhe me tregtinë, industrinë, financën dhe me punë të tjera përkatëse.

Vei Gjia Fu krenohet pa masë për sukseset e shoqërisë së tij, por njëkohësisht ai mban mend mirë edhe rrugën me stuhi dhe zigzage të shoqërisë së tij. Në vitin 1978, në Kinë filloi të zbatohet politika e refomës dhe hapjes dhe u krijua në mënyrë fillestare sistemi i ekonomisë socialiste të tregut. Me thellimin e reformës, Shoqëria kineze e transportit oqeanik filloi të marrë pjesë aktivisht në konkurrencën ndërkombëtare dhe ka krijuar shkallë-shkallë sistemin e një ndërmarrjeje moderne. Si një ndërmarrje e madhe shtetërore, qysh nga fundi i viteve 90 të shekullit të kaluar, kjo shoqëri filloi të zbatojë strategjinë e ndërkombëtarizimit. Sipas mendimit të Vei Gja Fuit kjo do të thotë se koncepti dhe mënyra e veprimeve të shoqërisë së tij lidhen plotësisht me normat ndërkombëtare dhe me rregullat e tregtisë botërore.

"Kemi vepruar sipas mënyrës së ndërmarrjeve botërore, dhe si rezultat kemi fituar konsumatorë dhe investitorë të shumtë. Disa gazetarë amerikanë më pyetën se kush më caktoi drejtor të përgjithsëm të shoqërisë, unë u përgjigja se aksionerët zgjodhën adminstratorin."

Gjatë shumë vjetëve, paragjykimet dhe mengesa e njohurive të perëndimore për Kinën, i kanë krijuar shumë vështirësi Shoqërisë kineze të transportit oqeanik gjatë procesit të ndërkombëtarizimit. Prandaj Vei Gjia Fu duke shfrytëzuar të gjitha rastet prezanton shoqërinë e tij dhe nëpërmjet saj, gjithënjë e më shumë njërëz njohin Kinën. Në vitin 2001, Vei Gja Fu mbajti një referat në Universitetin Harvard. Ai i njohu të pranishmit, në anglisht, me sukseset që kanë arritur në refomë ndërmarrjet shtetërore kineze, me Shoqërinë e transportit oqeanik si përfaqësuese. Ai u tha njerëzve se ato që mund të realizojnë ndërmarrjet e huaja, edhe ndërmarrjet shtetërore kineze mund t'i realizojnë.

Shoqëria e transportit oqeanik e Kinës, që ka hyrë tashmë në tregun botëror, vepron gjithmonë sipas mendimeve të globalizimit. Vej Gjia Fun tha se pikërisht nëpërmjet kombinimit të administrimit të shoqërisë së vet me kulturën vendëse, shoqëria e tij ka fituar mirëkuptimin dhe njohjen e qarqeve zyrtare dhe tregtare ndërkombëtare.

"Shoqëria ime është një ndërmarrje shtetërore, por ajo vepron sipas rregullave të tregut dhe atyre ndërkombëtare. Shoqëria jonë është gati të investojë jashtë vendit dhe të fitojmë së bashku me partnerët vendës të bashkëpunimit."

Në vitin 2000, porti i Bostonit në SHBA ndodhej para falimentimit nga tërheqja e shumë shoqërive të huaja të anijeve. Pas analizave shkencore, Ve Gjia Fu vendosi të hapë linjën e Bostonit, dhe kështu shoqëria e tij u krijoi menjëherë 9 mijë amerikanëve mundësinë e punësimit dhe e gjallëroi portin e Bostonit.

Sot, gjithënjë e më shumë njerëz në botë e kanë njohur Shoqërinë kineze të transportit oqeanik dhe Kinën e vërtetë. Në vitin 2003, gjatë vizitës së tij në SHBA, kryeministri kinez Ven Gja Bao nënshkroi me SHBA-në "marrëveshjen e transportit detar kino-amerikan", në mënyrë që Shoqëria kineze e transportit oqeanik të jetë transportore globale. Qysh atëherë kjo shoqëri ka bërë një hap të madh drejt shoqërisë shumëkombëshe.

Tani, në çdo det e oqean mund të shihen anijet e kësaj shoqërie me flamuj të kuq me 5 yje. Gjithënjë e më shumë kinezë dhe të huaj e njohin sipërmarrësin kinez Ve Gja Fu dhe preken nga guximi dhe mençuria e tij.

Vej Gjia Fu tha se ai është bir i detit, jeta shumëvjeçare në lundrime oqeanike ka kalitur karakteristikat dhe shpirtin e tij. Por ai është i mendimit se forca e një personi është shumë e vogël, sukseset e shoqërisë së tij janë arritur me përpjekjet e përbashkëta të 80 mijë punonjësve të shoqërisë. Më kryesore është mbështetja e fuqishme e atdheut.

Pas disa ditëve do të festojmë 55-vjetorin e shpalljes së Kinës së Re. Vej Gja Fu iu lut Radios së Jashtme të Kinës t'u transmetojë urimet e tij të përzemërta punonjësve të Shoqërisë kineze të transportit oqeanik që punojnë në vende të ndryshme të botës.

"Të gjithë punonjësve të Shoqërisë së transportit oqeanik , u shpreh falenderime për përpjekjet e tyre të palodhura. Sot shoqëria jonë është e njohur në mbarë botën. Shpresoj që ju të vazhdoni përpjekjet tuaja për shoqërinë tonë dhe për jetën tuaj personale." (Hou)