Në programin tonë do t'ju njohim me këngëtaren e njohur kineze Sun Yue dhe albumin e saj të ri"Ajo dhe ato".

...muzikë 1...

Kënga që po dëgjoni tani titullohet "Dashuria e një bukurosheje të rrallë", e cila është përpunuar në bazë të romanit të shkrimtares kineze Çan Ai Lin-s. Ajo na shfaq, në mënyre antifonale, një dashuri të bukur në fillim të viteve 40 në shekullin e kaluar kur ishte në luftë Kina.

Nëse dëgjoni këtë këngë duke lexuar romanin e Çan Ai Lin-s, kjo dashuri në luftë do t'ju lë një përshtypje më e thellë.

2 vjet pas albumit të saj "Zambaku", në maj të vitit 2004, Sun Yue e vuri në qarkullim albumin e saj të ri "Ajo dhe ato", në të cilën e ka vazhduar bukurinë e ëmbëlsinë e albumit të saj të kaluar "Zambaku". Në këtë album, na ka shprehur Sun Yue tregime të bukura të grave me zërin e saj të pjekur me besim të plotë. Ky album, sipas saj, është plotësisht për femra.

...muzikë 2... 

Tani, po dëgjoni këngën "Jam grua" të kënduar prej Sun Yue-s. Kjo këngë shpreh këmbënguljen e grave në dashuri. Dashuria ka forcë magjike, ajo u jep grave guxim dhe nxit ato të bëjnë budallallëqe.

"Për shkak se jam grua, për dashuri mund ta djeg veten; për dashuri mund ta rilind. Oh, Sa tërheqëse është dashuria!"

Titulli i këtij albumi është "Ajo dhe ato", sepse të gjithë këngët e tij janë lidhur me "ato". "Ato" janë femra moderne që bien në dashuri dhe që po luftojnë për dashuri; në to përfshihet edhe këngëtarja Sun Yue. Ato u tregojnë njerzve se për dashuri, femrat e dobëta bëhen të forta dhe trime.

Tani do të dëgjoni një këngë të veçantë të këtij albumi me titull "Peshk tropik dhe kaktus". Tregimi midis peshkut tropik dhe kaktusit na tregon se ndryshimi natyror midis mashkullit dhe femrës krijon dyshime reciproke, kështu femra dhe menshkulli nuk kuptojnë kurrë mendimet e njeri-tjetrit, por dashuria është fillimi i njohjes reciproke.

...muzikë 3...

Pas 20 muaj pune të kujdesshme, ky album ka fituar vlerësim të lartë e të gjerë të personaliteteve të qarqeve muzikore. Dhe këngët e këtij albumi janë vlerësuar lart nga admiruesit e Sun Yue-s. Ata mendojnë se këto këngët shprehin dashuritë e tyre.

...muzikë 4...

Në fund të programit të sotëm, le të dëgjojmë së bashku këngën e këtij albumi me titull "Bota e vërtetë". Kjo është herë e parë që Sun Yue këndon një këngë me ritëm të shpejtë në mënyrë të lehtë. Ritmet e lehta e melodia e gjallë e kësaj kënge moderne kanë krijuar një figurë të fortë e të pavarur të gruas. Në këngë thuhet: "Bota ime e vërtetë është plot me gëzime dhe hidhërime, por unë nuk do të frikësohem; në botën time të ardhshme, do të jem një fluturë e bukur dhe do të kapërcej të gjitha vështirësitë..."

Ju flet Radio e Jashtme e Kinës, të dashur dëgjues, dëgjuat programin tonë muzikor "muzikë e preferuar në Kinë". Mirudëgjofshim herën tjetër.(Gjan Lei)