"Gjethet e mia thahen dita ditës, dua vetëm të largohem përsëri nga hallet; Era fryn dhe gjethet e mia fluturojnë në qiell, çdo gjë shkon mirë." Po dëgjoni tani këngën "Vjeshtë", nxjerrë nga albumi "Trëndafilat, a duhet të çelen?"

Grupi "Qielli i shkallës së nëntë" u formua në vitin 1999 dhe pastaj nxorri albumin e parë "Qielli i shkallës së nëntë", i cili ka stilin e kombësisë veri-perëndimore të Kinës dhe melodi të bukura. Në këtë mënyrë antarët e këtij grupi muzikor u bënë të njohur nga adhuruesit. Me përpjekje shumë vjeçare dhe deri në vitin 2004 ky grup botoi albumin e dytë "Trëndafilat, a duhet të çelen?".

Gao Jang, pika kyçe e këtij grupi është jo vetëm këngëtari kryesor, por edhe producenti i muzikës. Ai është nga provinca ShenSi. Pasi u diplomua nga shkolla e lartë, Gao Jang hoqi dorë nga puna e përhershme për të kërkuar idealin e vet muzikor. Pra, ai filloi udhëtimin në kërkim të muzikës duke mbajtur në dorë. Ai udhëtoi nëpër Kinës për të njohur kombësitë kineze. Ai përgjithësisht nuk kishte para për bukë dhe nuk kishte shtëpi ku të banonte. Ka ndodhur disa herë që ai të plagoset në aksidente, megjithatë Gao Jang nuk është tërhequr nga muzika dhe ka kërkuar vazhdimisht e me këmbëngulje frymëzimin muzikor. Nga eksperiencat e veçanta ai është pjekur dhe veprat e tij paraqesnin gjithnjë e më shumë materiale muzikor. Tani do të dëgjoni këngën "Chang'an". Chang'an është emri i kryeqytetit të provincës ShenSi në kohën e lashtë. Gao Jang tha se kjo këngë është kënga e krijuar për vendlindjen e tij.

Në vitin 1999 u formua grupi muzikor "Jiu Tian" nga Gao jang dhe tre miq të ngushtë të tij. Veprat e tyre kanë thithur shumë elemente muzikore nga vendet perëndimore dhe grupi kështu ka formuar stilin e tij të veçantë nacional. Por disa njerëz shqetësohen se të rinjtë nuk i pëlqejnë këngët e tyre sepse nuk janë moderne. Në të vërtetë grupi "Jiu Tian" rradhitet në vendin e parë të listës së muzikës së preferuar në Kinë.

Grupi "Qielli i shkallës së nëntë" kujdeset për mjedisin dhe punon për mbrojtjen e mjedisit. Ata u propagandojnë në popull rëndësinë e mbrojtjes së mjedisit, mendojnë se njerëzit duhet të mbrojnë mikro dhe makro mjedisin. Në këtë album ka edhe dy këngë lidhur me mbrojtjen e mjedisit. Njera nga ato quhet "T'i japim gjelbërimit një shans". Melodia e kësaj kënge është e thjeshtë, por ajo ka një tekst filozofik. (U Sen)