Shen Xhon Guo është jo vetëm një nga përfaqësuesit e artit të interpretimit me violinë, por edhe një nga violinistët kinezë që fituan më herët çmime në konkurse muzikore ndërkombëtare.

Shen Xhon Guo lindi në një familje muzikëdashëse. Në moshën 5 vjeçare, ai filloi të mësonte nga babai i tij t'i binte violinës, në moshën 7 vjeçare, nisi të interpretonte me violinë në skenë, dhe kur ishte 9 vjeç, ai incizoi në radio vepra klasike të kompozitorëve Mozart, Betoven etj. Në vitin 1954, Shen Xhon Guo hyri në shkollën e mesme pranë Institutit Qendror të Muzikës të Kinës me rezultate të shkëlqyera. Pas 6 vjetëve, u zgjodh për të vazhduar studimet në Institutin e Muzikës Çajkofski në Moskë, ku mori pjesë në konkursin ndërkombëtar Çajkofski të violinës dhe fitoi çmimin e nderit.

Pasi u kthye në atdhe, Shen Xhon Guo organizoi me sukses koncertin për violinë dhe kjo ishte hera e parë në historinë e interpretimit me violinë në Kinë. Tani, ju ftojmë të dëgjoni melodinë "Qarku i kukudhëve" të kompozitorit të njohur italian Bazini, interpretuar nga Shen Xhon Guo. 

Interpretimi i Shen Xhon Guo-s është plot pasion, gjallëri dhe delikatësi dhe kudo spikat talenti i tij. Ai bashkon muzikën me jetën e ndjenjat e veta dhe prandaj interpretimi i tij është prekës. Shen Xhon Guo shumë herë ka dhënë koncerte për violinë jashtë vendit dhe ka interpretuar së bashku me dirigjentë e muzikantë të njohur në botë. Ai ka nxjerrë me dhjetra albume dhe CD muzikore. Shen Xhon Guo shpesh ka dhënë shfaqe në Japoni dhe me një pjesë të të ardhurave nga koncertet ka kontribuar me fondin e mjekimit të studentëve të vendeve të ndryshme në Japoni. Për këtë arsye, qeveria japoneze i ka dhënë atij titullin e nderit "ambasador i kulturës".

Në fund të këtij programi muzikor, le ta shijojmë melodinë "Kënga e një Eendacaku" të kompozitorit spanjoll Sarsate, që Shen Xhon Guo e luan shpesh.

(Çan Yean)