Sot do t'ju njohim me këngëtarin tibetian Yau Dong dhe me këngët e interpretuara prej tij.

Kënga: "Burrat Kanba", e interpretuar nga këngëtari i famshëm tibetian Ya Dong, është një këngë, ku përshkruhen burrat tibetianë të zonës Kanba të Kinës jug-perëndimore. Nëpërmjet melodisë ritmike me karakteristika të theksuara nacionale, pasqyrohet teperanmenti i hapur dhe entusiast i burrave Kanba.

Në këngë thuhet: "Në damarët e mi kullon gjaku i Kanbasë, në ballin tim shkruhen tregimet e parardhësve tanë. Retë ngrejnë qeshjet tona, në kraharor shtrihet stepa e gjerë e dashur?"

Yan Dong ka lindur pikërisht në zonën Kanba, pra është një burrë Kanba. Që nga vogëlia ai ka pasur prirje për të kënduar. Në moshën 18-vjeçare, ai ka mësuar të luajë me vegla muzikore, si Kitari, Saksfon etj, dhe është bërë instrumentist i famshëm në ato vise. Më vonë me interpretimin e këngës tibetiane: "Ëndërroj për shqiponjën e shenjtë", ai fitoi çmimin e artë në festivalin muzikor televiziv të Kinës në vitin 1995. Me përhapjen e kësaj kënge, Ya Dong pëlpehet gjithënjë e më shumë nga spektatorët. Në këngë thuhet: "Kur ngrihet dielli, shqiponja e shenjtë e argjendtë fluturon në fshatin antik. Rrugën e pashkelur nga parardhësit tanë, shqiponja e shenjtë e ndryshoi përnjëherësh. Shqiponja e shenjtë, më çon larg, larg në vendin tuaj."

Ya Dong ka zë të bukurn e me diapazon të gjerë. Kur këndon, ai e përdor zërin e tij në mënyrë të lirshme me stil të fortë të kulturës tibetiane. Ne vitin 1992, ai nxorri diskun e tij të parë: "Zemra e birit nomad", që ka tronditur mbarë vendin. Brenda vetëm 6 muajve, u shitën 600 mijë disqe. Më vonë ai nxori edhe disqet: "Burrat Kanba" dhe "Ëndërroj për shqiponjën e shenjtë." Përveç këtyre ai ka interpretuar edhe shumë këngë që shërbejnë si kolona zanore në shumë filma televizive. Banorët tibetianë e quajnë atë me përzemërsi: "Mbret i këngës së rrafshnaltës."

Kënga : "Nënë e dashur" është interpretuar nga Ya Dong. Në këngë thuhet se " Nëna e dashur, për ne, ti mban mbi kokë dëborë, beli yt përkulet si shpinë e malit. Nënë e dashur, më ke shtuar krahët e fluturimit, sado lart të fluturoj, unë jam gjithmonë në zemrën tënde."

Si këngëtar tibetian, Ya Dong ushqen ndjenja të thella ndaj maleve me dëborë, stepës dhe banorëve të stepës. Këto ndjenja ai i shkrin në këngët e tij. Çdo vit shkon në zonat blegtorale, për të thithur elemetë të kulturës nacionale. Përveç interpretimit të këngëve tibetiane, ai gjithmonë ka provuar të këndojë edhe këngë të huaja dhe këngë popullore të kombësive të tjera.

Kënga e Sinkiangut: "Avaguri e bukur", është interpretuar nga këngëtari i famshëm tibetian Ya Dong me stilit e freskët dhe ritmik.

Në mbremjen artistike me rastin e Festës së Pranverës, të organizuar nga Televizioni Qendror Kinez, Ya Dong me këngën: "Lao Vang", fitoi çmimin e artë të "programeve më të preferuara të spektatorëve".

Më në fund ju ftojmë të shijoni këngën: "Cunsaikan", të interpretuar Ya Dong në gjuhën tibetiane. Cunsaikan është emri i një bulevardi të qytetit Lhasa, ku mbledhen tregtarë të vendeve të ndryshme të botës me mallra të larmishme.

Të dashur lexues, shijuat programin muzikor, ku ju njohëm me këngëtarin tibetian të Kinës Ya Dong. ( Daming )