Krahas zhvillimit të shpejtë ekonomik dhe shtimit nga dita në ditë të kontakteve të Kinës me botën e jashtme, pozita e gjuhës kineze në arenën ndërkombëtare është ngritur shkallë shkallë. Megjithëse gjuha kineze konsiderohet si një nga gjuhët e vështirë në botë për t'u mësuar. Prapëseprapë vitet e fundit është shtuar gjithnjë e më shumë numri i njerëzve në botë që mësojnë gjuhën kineze.

Kerstin Storm është një studente e Universitetit Minstel të Gjermanisë. Kjo studente me flokë të artë dhe me sy blu, që kur studionte në shkollën e mesme të ciklit të lartë, kishte kuriozitet të madh për Kinën dhe për gjuhën kineze. Por, asaj kohe në shkollat e mesme të Gjermanisë nuk kishte orë mësimi për gjuhën kineze. Kur hyri në universitet, studentja Kerstin Storm zgjodhi me dëshirë specialitetin e gjuhës kineze.

Në fillim familja dhe miqtë e saj nuk e përkrahën në mësimin e gjuhës kineze. Ata ishin të mendimit se është e vështirë për të mësuar gjuhën kineze. Kina është larg dhe gramatika e gjuhës kineze është shumë e ndërlikuar. Por vendosmëria e kësaj studente gjermane për të mësuar gjuhën kineze ishte shumë e madhe.

Pas 4 vjet përpjekjesh ajo mund të komunikojë lirisht me të tjerët me gjuhën kineze. Ajo i tha korrespondentit tonë se mësimi i gjuhës kineze është një zgjedhje largpamëse.

Në Gjermani ka pak njerëz që mund të flasin kinisht, prandaj mendoj se me përvetësimin e gjuhës kineze mund të gjejë lehtë punë. Tani, në Kinë ka më shumë shanse për punë. Shumë kompani kanë ngritur degët e tyre në Kinë dhe marrëdhëniet tregtare gjermano-kineze janë bërë më të ngushta.

Vitin e ardhshëm, Kerstin Storm do të diplomohet. Dëshira e saj është të bëhet një gazetare. Para një viti, duke shfrytëzuar pushimet verore, ajo erdhi në Pekin për praktikë në degën e një gazete gjermane në Pekin. Ajo u shpreh se edhe sikur të mos bëhet gazetare, ajo do të gjejë një punë që ka lidhje me Kinën. P.sh do të vazhdojë studimin e gjuhës klasike kineze në një shkollë të lartë dhe do të merret me studimin e kulturës kineze.

Megjithëse Kerstin Storm e ka zotëruar mirë gjuhën kineze, ajo prapë mendon se është e vërtetë se gjuha kineze është e vështirë për t'u mësuar. Shqiptimi dhe shkrimi i saj janë shumë të vështir, pasi në gjuhën kineze ka shumë fjalë me të njëjtin shqiptim, që kanë kuptime të ndryshme. Kjo e bën të vështirë këtë gjuhë.

Por, megjithatë, ajo mendon se mësimi i gjuhës kineze është një gjë shumë interesante. Ajo dëshiron që nëpërmjet Radios së Jashtme të Kinës t'u transmetojë kolegëve të saj gjermanë dhe miqve të tjerë që janë gati të mësojnë gjuhën kineze, mendimin e saj se për të ngritur nivelin e gjuhës kineze, duhet të shfrytëzojnë raste të ndryshme për të bërë dialog dhe për të shkëmbyer mendime me kinezët. ( zhang )