Gjatë periudhës së Vjeshtës dhe Pranverës në historinë kineze, shteti Gjin ishte një nga fuqitë të veriut, por ai ishte mbushur me kontradikta në brendshme. Me të hipur në fronin e monarkut, Gjin Gjing-gong vrau gjeneralin Xhao Shuo dhe shfarosi gjithë familjen Xhao. Shpëtoi vetëm gruaja e Xhao Shuos, sepse ajo ishte motër e monarkut Gjin Gjing-gong. Në atë kohë ajo ishte shtatzënë dhe pasi lindi një djalë, ia vuri emrin Xhao Vu, të cilin e morën në mbrojtën dy miq të babait të foshnjës. ky jetim është bërë sot personali kryesor i pjesës teatrale të operës së Pekinit "Jetimi i familjes Xhao".

Meqenëse gjithmonë kishte bërë shumë punë të këqija çnjerëzore, Gjin Gjing-gong ndiente frikë në zemër. Në vitin 582 para erës së re, ai u sëmur rëndë dhe shihte gjithnjë ëndrra të llahtarshme. Një herë, ai pa në ëndërr një djall që e quante veten paraardhësin e familjes Xhao dhe që thoshte se kishte erdhur për të marrë hak kundër Gjin Gjing-gongut.

Personat përkatës të shtetit Gjin ftuan nga zona Sangtian një magjistar gjoja për të shëruar të sëmurin. Por magjistari tha: "S' ka nevojë të mundoheni për të shëruar atë. Ai nuk do ta kalojë verën e këtij viti dhe do të vdesë pa ngrënë grurin e ri."

Megjithatë, ata persona nuk pajtuan me sa u dha dhe ftuan një mjek nga shteti Çin për të mjekuar të sëmurin. Por mjeku tha: "Kjo sëmundje nuk kurohet më. Sëmundja tashmë ka arritur tek dhjami në majën e zemrës që quhet Gao, ka arritur edhe sipër cipës së zemrës që quhet Huang. Kur sëmundja hyn në Gao dhe Huang, as ilaçiet dhe as akupunktura nuk bëjnë efekt. "Ata e shpërblyen për shpërblimin dhe e lanë të kthehej në shtetin Çin.

Gjin Gjing-gong mezi e shtyu deri në stinën e korrjes së grurit dhe deshi të hante makarona. Zyrtarët përkatës gatuan menjëherë makarona me miellin e grurit të ri dhe ia shtruan sipas dëshirës. Duke parë makaronat, monarkut Gjin Gjing-gong iu kujtua se magjistari nga Sangtiani i kishte thënë se ai do të vdiste pa e ngrënë grurin e ri, prandaj porositi t'ia tregonin magjistarit makaronat dhe e qortoi atë për gënjeshtrën. Pastaj dha urdhëri që magjistari të dënohej me vdekje me akuzën se mashtroi monarkun.

Gjin Gjing-gong u bë gati të hante makaronat, por papritur ndjeu barkun t'i fryhej dhe shkoi fët e fët në nevojtore. Kaloi shumë kohë, por ai nuk po kthehej. Një nëpunës shkoi për ta parë, por u shtang kur pa se Gjin Gjing-gong kishte dhënë shpirt në nevojtore. Ai e mori monarkun në shpinë dhe dal duke qarë dhe duke mërmëritur " Fundi i fundit, i shkreti, nuk hëngri grurin e ri."