Kryeqyteti i shtetit Zheng u rrethua, ministri Zhu Zhivu, i dërguar nga monarku i shtetit Zheng, në mesnatë zbriti me litar nga muri i qyteit, shkoi fshehurazi në kazermën e trupave të shtetit Çin, ku takoi Çin Mu-gong dhe i tha: "Trupat tuaja kanë rrethuar kryeqytetin tonë dhe ne e dimë se vendi ynë mbaroi. Në rast se zhdukja e vendit tonë do t'i sillte dobi vendit tuaj, do të ishte e vlefshme për ju, që po mundoheni dhe lodheni kaq. Por, pasi të zhduket vendi ynë, është e pamundur që ju të shtieni në dorë territorin tonë duke mënjanuar shtetin Gjin, i cili ka ndër mend të aneksojë veças territorin tonë me qëllim që të zgjerojë territorin e vet. Por me zgjerimin e territorit të shtetit Gjin, vendi juaj do të mbetet i vogël në krahasim me të. Po ta lini shtetin Zheng të rrojë dhe të bëhet zot shtëpie në rrugën tuaj drejt lindjes, të dërguarit tuaj diplomatikë nuk do ta vrasin mendjen se ku do të hanë dhe ku do të flenë, sa herë që të kalojnë këtej."

Çin Mu-gong e kuptoi dhe e pranoi propozimin e Zhu Zhivusë dhe arriti me shtetin Zheng një marrëveshje, në bazë të cilës shteti Çin do të tërhiqte trupat e tij dhe shteti Zheng do të bëhej përgjithmonë zot shtëpie për shtetin Çin në rrugën drejt lindjes. Çin Mu-gong la tre gjeneralë për të ndihmuar shtetin Zheng në mbrojtjen e kryeqytetit dhe ai vetë u nis për t'u kthyer në atdhe. Gjin Ven-gong ra në mendime për një kohë të gjatë kur mori vesh se Çin Mu-gong iku pa thënë mirupafshim. Pastaj edhe ai i tërhoqi trupat e tij në atdhe.

Nga marrëveshja midis shteteve Çin dhe Zheng e këtij tregimi buroi shprehja e gjuhës kineze " zot shtëpie në rrugën drejt lindjes" dhe mbi bazën e saj, në gjuhën moderne kineze lindën shprehje të tjera me fjalën "dong" që do të thotë "lindje", siç janë "dong dao guo" vend organizator?"fang dong" pronar i një shtëpie të dhënë me qira ?"gu dong" zotërues i aksioneve?"dong gjia" pronar i tokës së dhënë me tasksë dhe "xuo dong" qeras të tjerët.