Kënga: " Daturi dhe Malia" është një këngë popullore e kombësisë Kazake të Sinkiangut të Kinës veri-perëndimore, e përpunuar nga Vang Luo Bini. Kjo është një këngë dashurie, Daturi dhe Malia janë një çift të rinj.

Në programet e kaluara ju njoha me Vang Luo Binin, i cili shkoi në Sinkiang në vitin 1949 dhe ra në kontakt me një botë më të gjerë muzikore. Ai grumbulloi dhe përpunoi shumë këngë popullore të kombësive të ndryshme të Sinkiangut, i përktheu në gjuhën hane dhe pastaj i krijoi në formë të re. Kështu këto këngë janë përhapur nëpër Sinkiang dhe në mbarë Kinën.

Kënga: "Maila" është një këngë popullore e kombësisë kazake e Sinkiangut. Në vargjet e këngës thuhet: " Njerëzit më thërrasin Maila, poetesha Maila, këngëtarja Maila me dhëmbë të bardha dhe zërin e bukur. Kur jam e gëzuar, filloj t'i bie veglës muzikore Dongbula, të gjithë njerëzit mblidhen para strehës së shtëpisë sime për të dëgjuar zërin tim.

Kënga: "Alamuhan" është një këngë e famshme e kombësisë ujgurase të Sinkiangut. Ajo është e përpunaur nga Vang Luo Bini në vitet 40-të të shekullit të kaluar. Alamuhani është një vajzë dhe emri i së cilës është bërë sot emri i të gjitha vajzave të bukura të Sinkiangut. Në këngë i këndohet bukurisë së saj.

Vang Luo Bini jetoi për afro gjysmë shekulli në Sinkiang dhe i lanë përshtypje shumë të thellë qëndrimi optimist dhe këngët e vallet entusiaste e të gëzueshme të banorëve të kombësive të ndryshme të Sinkiangut. Megjithë zigzaket e shumta të jetës së tij, në muzikën e Vang Luo Binit mbizotërojnë kudo gëzimi e hareja, entusiazmi dhe pathosi. Ai e adhuroi dashurinë dhe të gjitha sendet e bukura. Pikërisht nga kjo frymë optimiste, Vang Luo Bini është i pëlqyer dhe i mirëpritur nga banorët kinezë.

Kënga: " Muzika e valles së rinisë" është gjithashtu një këngë popullore ujgurase e Sinkiangut, mund të themi se kjo është kënga që përshkruan ideologjinë optimiste të Vang Luo Binit. Në krahasim me këngë të tjera, ku përshkruhet kalimi i shpejtë i kohës me psherëtima, kjo këngë me ritmin e shpejtë e të gëzueshëm të valles përshkruan qëndrimin pozitiv dhe optimist të banorëve të Sinkiangut ndaj kohës. Në vargjet e këngës thuhet: " Pas perëndimit prapa malit, dielli i ndritur do të ngrihet përsëri nesër në mëngjes, lulet pas vyshkjes, vitin tjetër do të çelin përsëri. Kurse zogu im i bukur i rinisë fluturoi pa lënë hijë dhe nuk do të më kthehet më

Të dashur lexues, ju njohëm me "mbretin e këngëve të pjesës perëndimore" Vang Luo Bin dhe këngët popullore të Kinës perëndimore. Të dashur dëgjues, mirudëgjofshim herën tjetër. ( Daming )