Gjatë periudhës së "Pranverës dhe vjeshtës" në historinë kineze, shteti Gjin ishte një vend i madh, kurse shtetet Yu dhe Guo në jug të tij ishin vende të vogla. Mornarku i shtetit Gjin, Sian-gong deshi t'i aneksonte ato dhe dërgoi ministrin e tij Syn Si për vizitë në shtetin Yu.

Gjatë qendrimit në shtetin Yu, Syn Si i dhuroi monarkut të shtetit Yu shumë gurë të çmuar dhe një kalë fluturues. Monarku i shtetit Yu ishte njeri lakmues, prandaj u gëzua shumë kur mori dhuratat. Syn Si tha: "kësaj kere kam ardhur për të kërkuar diçka nga ju. Shteti Guo tregohet mendjemadh dhe ne duam t'i jaim një mësim. Ju lutem, lejojeni ushtrinë tonë të kaloujë në territorin e vendit tuaj. Po ti fitojmë luftën, do t'ju dhurojmë juve të gjitha frytet e fitores." Ministri Gong Xhiqi i shtetit Yu u ngrit dhe tha: "Jo! Ashtu nuk është mirë. Po të zhduket shteti Guo, vendi ynë do të ndodhet në rrezik. Dimë se kur ikin buzët, ftohen dhëmbët." Monarku i shtetit Yu, që e kishte mendjen tek dhuratat nga shteti Gjin, nuk e dëgjoi vërejtjen e ministrit Gong Xhiqi dhe e pranoi kërkesën e shtetit Gjin.

Në vitin 655 parë erës së re, trupat ushtarake të shtetit Gjin kaluan në territorin e shtetit Yu, zhdukën shtetin Guo dhe i dhuruan monarkut të shtetit Yu disa vajza këngëtare dhe gurë të çmuar që i grabitën në luftë. Monarku i shtetit Yu u gëzua pa masë dhe tha: "Le të vijnë komandantët dhe ushtarët tuaj, të pushojnë disa ditë pranë kryeqytetit tonë dhe pastaj të kthehen në atdhe." Por trupat e shtetit Gjin nuk kishin për t'u kthyer në atdhe. Ata e zunë rob monarkun e shtetit Yu dhe në këtë mënyrë shteti Yu u zhduk përgjithmonë.

Pas disa ditësh, monarku i shtetit Gjin, Sian-gong erdhi dhe tha me buzëqeshje: "Unë kam ardhur për të marrë gurët e mi të çmuar dhe kalin tim fluturues. Por unë do t'ju jap diçka tjetër për t'ju falënderuar, sepse ju më ndihmuat të aneksoj shtetin Guo dhe më dhuruat edhe shtetin tuaj. " Sot në gjuhën moderne kineze, shprehja "kur ikin buzët, ftohen dhëmbët" është bërë një idiomë që përdoret dendur.