Qysh nga hyrja në stinën e verës, klima e qytetit Wuxi të provincës Jangsu të Kinës lindore ka bërë e nxehtë për shumë ditë me radhë me temperaturën mbi 35 gradë celsius. Për shkak të mungesës së furnizimit me energji elektrike, banorët e këtij qyteti kanë duruar edhe vapën e madhe. Drejtorja e Hotelit Taihu zj. Fang Yao Qing i tha gazetarit se hoteli i saj ka marrë shumë masa për kursimin e energjisë elektrike. Çdo ditë, ne kontrollojmë gjendjen e kursimit të energjisë elektrike.

Në mbrëmje, ne mbyllim llambat e ndriçimit. Temperatura e të gjithë kondicionerëve të brendshëm është ruajtur në 26 gradë celsius.

Një përgjegjës i këtij qyteti tha se, përsa u përket hoteleve, administrata e këtij qyteti ka marrë politika të kujdesshme. Nga fillimi i verës së këtij viti, rrjeti elektrik i provincës Jangsu e ka furnizuar qytetin Wuxi vetëm me dy të tretat e sasisë së përgjithshme të energjisë elektrike. Për të garantuar përdorimin normal të energjisë elektrike në jetën e banorëve, ndërmarrjet e thjeshta ndërprenë energjinë elektrike pjesë-pjesë dhe disa të tjera vendosën të bëjnë pushim, në mënyrë që punonjësit e tyre të shkojnë jashtë për turizëm.

Nga gjendja e gjithë Kinës del se pjesa dërrmuese e provincave të Kinës kanë marrë masa për të kufizuar përdorimin e energjisë elektrike.

Para disa vjetëve, furnizimi me energji elektrike në Kinë ishte i mjaftueshëm. Por, qysh nga fillimi i vitit të kaluar, disa provinca të Kinës filluan të vuajnë kufizimet në përdorimin e energjisë elektrike. Në këtë vit, gjendja e mungesës së energjisë elektrike është shumë serioze. Duke analizuar këtë gjendje, kryeinxhinieri i Komitetit të Kontrollit të Energjisë Elektrike të Kinës z. Y Xin Yang tha se nga viti 1998 deri në vitin 1999, oferta dhe kërkesa për energjisë elektrike në një pjesë dërmuese të krahinave të mbarë vendit ishin në përgjithësi në përpjesëtim të drejtë, bile ndonjëherë oferta më e tepërt. Gjatë këtyre vjetëve, ekonomia kineze është zhvilluar shumë shpejt edhe në disa krahina janë krijuar disa industri me konsum të lartë të energjisë. Si pasojë e këtyre, më vonë, ka filluar të ndjehet mungesa e energjisë elektrike.

Z. Y Xin Yang është i mendimit se gjatë këtyre vjetëve, ritmi i prodhimit të ekonomisë kineze është më i shpejtë se ritmi i ndërtimit të energjisë elektrike. Kjo është arsyeja kryesore që ka shkaktuar mungesën e furnizimit me energji elektrike. Njëkohësisht, disa industri me konsum të lartë të energjisë, si industria metalurgjike, industria kimike etj., edhe kanë shkaktuar mungesën e furnizimit me energji elektrike.

Si mund të zbutet gjendja aktuale e mungesës së furnizimit me energji elektrike në Kinë? Specialisti përkatës vuri në dukje se, tani, Kina duhet të forcojë kryesisht administrimin e rrjetit elektrik dhe të shpejtojë ndërtimin e veprave të prodhimit të energjisë elektrike për të zbutur sa më parë këtë gjendje.

Në qendrën e kontrollit të energjisë elektrike të Shoqërisë Shtetërore të Rrjetit Elektrik të Kinës, gazetari pa nga afër se punonjësit po e kontrollojnë seriozisht gjendjen e furnizimit me energji elektrike të krahinave të ndryshme. Përgjegjësi i zyrës së punës të drejtorit të përgjithshëm të kësaj shoqërie z. Wang Guang Hui tha se, në radhë të parë, duhet të sigurohet përdorimi i energjisë elektrike në jetën e banorëve dhe në prodhimin bujqësor. Nga ana tjetër, duhet të zbatohen seriozisht masat për kufizimin e përdorimit të energjisë elektrike me ndërmarrjet me konsum të lartë të energjisë dhe me prodhim shumë të ulët. Duke folur për koordinimin e energjisë elektrike midis rajoneve dhe provincave, ky përgjegjës tha se për të përballuar gjendjen serioze të mungesës së furnizimit me energji elektrike, ne duhet të forcojmë administrin dhe të shpejtojmë ndërtimin e rrjetit elektrik. Ne duhet të përpiqemi të kapërcejmë së bashku me ndërmarrje të tjera vështirësitë e mungesës së furnizimit energji elektrike të këtij viti.

Edhe veprimi i gjithë shoqërisë për kursimin e energjisë elektrike ka luajtur rol për zbutjen e gjendjes urgjente të mungesës së furnizimit të energjisë elektrike. Masat popullore të Pekinit u kërkojnë familjeve dhe sektorëve të ndryshëm të ruajnë një temperaturë të caktuar të kordicionerëve të tyre në rreth 26 gradë celsius.

Gjatë disa vjetëve të ardhshëm, Kina do të zgjerojë përmasat e ndërtimit të prodhimit të energjisë elektrike. Specialisti përkatës parashikon se, gjatë 3 vjetëve të ardhshëm, gjendja e mungesës së furnizimit me energji elektrike në Kinë do të zbutet shumë. (Sihai)