Kënga: "Gjymëhëna ngrihet ngadalë" ashtu si kënga: " Në ato vise të largëta", me të cilën ju njoha herën e kaluar, është përhapur si një këngë popullore e Kinës veri-perëndimore për gati gjysmë shekulli dhe vetëm në vitin 1993 ajo u përfshi në veprat klasike të kinezëve të shekullit 20-të, njerëzit e morën vesh se ajo është përpunuar nga Vang Luo Bini në bazë të këngës popullore të Sinkiangut. Dhe tani ju ftoj të dëgjoni këngën me titull: "Gjymëhëna ngrihet ngadalë.

Në programin muzikor të kaluar ju bëmë të njohur se në vitin 1937, kur udhëtonte në pjesën perëndimore të Kinës, Vang Luo Bini u tërhoq shumë nga këngët popullore të pjesës perëndimore të Kinës dhe qysh nga ajo kohë ai nuk mundi të largohej nga ato vise. Gjatë më shumë se gjysmë shekulli, Vang Luo Bini grumbulloi, përpunoi dhe krijoi mbi 700 këngë popullore të kombësive të Kinës perëndimore dhe shumë prej tyre këndohen gjerësisht edhe sot.

"Vajza e qytetit Dapan" është një këngë shumë e njohur dhe dihet pothuajse nga çdo kinez. Kjo është kënga e parë popullore e kombësisë ujgure, e përkthyer në gjuhën hane, nga Vang Luo Bini. Në vitin 1993, në një mbrëmje artistike, Vang Luo Bini e dëgjoi këtë këngë, të kënduar nga një shofer ujguras. Vang Luo Bini kuptoi ndjenjën dhe ritmin e veçantë të kësaj kënge dhe e shënoi menjëherë, më vonë përktheu përmbajtjen e këngës me ndihmën e miqve të tij ujguras dhe, më në fund, e krijoi këtë këngë në gjuhën hane: "Vajza e qytetit Dapan".

Në vargjet e këngës thuhet: "Qysh nga koha e lashtë thuhet se qyteti Dapan është një vend i mirë me panoramë të bukur dhe bagëti pjellore. Vajzat e qytetit Dapan janë të bukura, janë të pashëm edhe djemtë e tij. Ata janë punëtorë dhe të zgjuar, janë të thjeshtë dhe të ndershëm."

Në vitin 1949, Vang Luo Bini hyri në Sinkiang dhe ra në kontaktet me një botë më të gjerë muzikore. Kjo ishte një periudhë e frytshme, kur ai grumbulloi numrin më të madh të këngëve popullore gjatë jetës së tij. Tani ju ftoj të dëgjoni këngën popullore të kombësisë Tatare të titulluar: "Nën rrezet e argjenda të hënës."

Kënga popullore e Sinkiangut: "Ngreje perçen tënde", e përkthyer dhe e krijuar nga Vang Luo Bini, është e përhapur brenda dhe jashtë vendit. Në vargjet e kësaj kënge dasme thuhet: " Ngreje perçen tënde, të shikoj vetullat e tua. Vetullat e tua janë të holla e të gjata, tamam si hënëzë. Ngreje perçen tënde, të shikoj sytë e tu, sytë e tu janë të mëdhenj e të ndritur."

Të dashur lexues, ju njohëm me "mbretin e këngëve të pjesës perëndimore" Vang Luo Bin. ( Daming )