Kënga që po dëgjoni titullohet: " Hyjmë në epokën e re", është intepretuar nga këngëtarja e re kineze Zhang Ye. Në këngë pasqyrohen entusiazmi i popullit kinez dhe fryma e tij për fuqizimin e vendit.

Zhang Ye është një këngëtare e re me mundësi të mëdha në qarqet e muzikës kombëtare të Kinës. Zëri i saj është tigëllues, i bukur dhe me ndjenja të sinqerta e të prekshme, pra ajo është preferuar nga si këngëtare. Zhang Ye ka lindur në qytetin Çansha të provincës Hunan. Nën ndikimin e prindrve të saj, që janë punonjës të letërsisë e të artit, ajo hyri në Shkollën Artistike të kësaj province në moshën 14-vjeçare, ku studioi operën lokale Huangu. Në vitin 1988 pasi kaloi provimet dhe hyri në Konservatorin e Kinës si dhe pas 7 vjet studimesh ajo fitoi titullin e magjistres dhe mbeti në shkollë si pedagoge.

Kënga: "Të gjitha të mirat", e interpretuar nga Zhang Ye, është shfaqur në mbrëmjen artistike të vigjiljes së Festës së Pranverës së vitit 1995 dhe është përhapur shumë në krahina të ndryshme të vendit. Stili i saj i ëmbël dhe i përzemërt u ka lënë përshtypje të thella spektatorëve.

Në këngë thuhet: "Ndër 365 net, nata e vigjiljes është më e bukura. Në dritën e qiriut të kuq na vjen sihariqi. Bijtë e bijat e kombit kinez i urojnë atdheut të gjitha të mirat."

Në vitin 1997, me rastin e rikthimit të Hongkongut në gjirin e atdheut, Zhang Ye krijoi këngën: "Uji i lumit me ndjenjë". Në këngë i këndohet lumit Dongjan në jug të Kinës, që shërben si vepra e furnizimit të Hongkongut me ujin e këtij lumit të Shenxhenit. Banorët e Honkongut e quajnë me përzemërsi këtë lum si "lumi nënë", sepse furnizimi i tyre me ujin e këtij lumi i ka dhënë fund historisë së mungesës së ujit të pijshëm atje. Në këtë këngë përshkruhen ndjenjat e falenderimit të tyre për atdheun.

Zhang Ye është e aftë të interpretojë këngë kombëtare të stileve të ndryshme, pavarësisht nëse ata janë këngë popullore apo fragmente operash kombëtare me diapazon të gjerë. Ajo ka bërë shumë disqe dhe ka kënduar për shumë filma dhe telenovela. Përveç kësaj ajo ka vizituar dhe ka kënduar edhe në shumë vende e rajone të botës, si në Angli, Gjermani, Francë etj, ku është vlerësuar lart nga spektatorët e huaj.

Të dashur lexues, në fund të këtij programi muzikor ju ftojmë të ndiqni këngën popullore të provincës Gjiansu të Kinës lindore "Lule Jasamini", ku përshkruhen karakteristikat të theksuara të viseve në jug të lumit Jance, me shumë liqene të bukura, me njerëz të bukur dhe me këngë të bukura?

Të dashur lexues, dëgjuat programin muzikor me këngë të interpretuara nga këngëtarja e re kineze Zhang Ye.