Kënga: " Në ato vise të largëta" është përpunuar nga Vang Luo Bin në bazë të këngëve popullore të Sinkiangut të Kinës veri-perëndimore. Gjatë shumë vjetëve kjo këngë është përhapur si këngë popullore e Kinës veri-perëndimore dhe vetëm në vitin 1993 ajo u përfshi në veprat klasike të kinezëve të shekullit 20-të, kështu emri Vang Luo Bin është njohur nga kinezët.

Kënga: "Në ato vise të largëta", mund të themi se është kënga e dashurisë së vetë Vang Luo Binit. Në vitin 1993, regjisori kinematografik Xheng Gjyn Li e ftoi vajzën tibetiane Zuoma në rolin e një bareshe, kurse Vang Luo Bin ishte si ndihmësi i Zuomas. Pikërisht kjo vajzë e bukur tibetiane i dha Vang Luo Binit frymëzimin e krijimtarisë, dhe në bazë të këngës popullore të Sinkiangut ai krijoi këngën: " Në ato vise të largëta". Që nga ajo kohë kjo këngë është përhapur deri më sot dhe është mirëpritur shumë nga dëgjuesit.

Tani ju ftojmë ta dëgjoni këtë këngë të kënnduar nga këngëtari Hu Sun Hua.

Në këngë thuhet: " Në ato vise të largëta, ka një vajzë të mirë, fytyra e saj e kuqe është si dielli, sytë e saj të gjallë janë si henëza e mbrëmjes. Unë desha të shëndrrohem në një dele të vogël dhe të qëndroj pranë saj."

Vang Luo Bin lindi në vitin 1913 në Pekin dhe në vogëli studioi muzikën perëndimore. Në vitin 1937 në zonë malore të Ninsiasë të Kinës perëndimore Vang Luo Bin, për herë të parë, dëgjoi këngën popullore "Huaër" të Kinës veri-perëndimore, që i ndryshoi rrugën e jetës Vang Luo Binit. Vitaliteti dhe bukuria e këngëve popullore të atyre viseve e prekën shumë. Qysh nga ajo kohë ai u zhyt në detin e këngëve popullore të Kinës veri-perëndimore.

Gjatë më se gjysmë shekulli të jetës së tij në Kinën veri-perëndimore, Vang Luo Bini grumbulloi, përpunoi dhe krijoi mbi 700 këngë popullore të kombësive të ndryshme të atjeshme, shumë prej të cilave janë përhapur gjerësisht në Kinë dhe jashtë vendit. Dhe tani ju ftojmë të dëgjoni këngën: "Huaër dhe djaloshi", ku pasqyrohet dashuria e një vajze për të dashurin e saj.Daming )