Konkubina Bao Si, që ishte një bukuroshe e rrallë, nuk qeshte asnjëherë, bile nuk qeshte as pasi u bë mbretëreshë. Prandaj mbreti You filloi të dyshonte se mos ajo nuk dinte të qeshte që nga lindja. Kështu që ai vendosi të bënte një shaka me të, për të provuar nëse ajo dinte të qeshte apo jo.

Mbreti You dha urdhri që në të gjitha kështjellat e mbarë vendit të jepej alarm me anën e tymit si njoftim drejtuar principatave. Për një kohë, në të katër anët u ngrit tymi dhe krerët e principatave kujtuan se mos mbreti kishte hasur ndonjë të papritur dhe erdhën menjëherë në krye të trupave ushtarake për të mbrojtur mbretin. Kur erdhën ata, mbreti You u tha: "Kthehuni të gjithë. Këtu nuk ka ndodhur asgjë dhe është qetë. Unë bëra një shaka me ju." Duke parë fytyrat e shtrembëruara dhe të dëshpëruara të atyre njerëzve, Bao Si nuk përmbajti veten dhe qeshi me zë, pas asaj qeshi i kënaqur edhe mbreti You.

Ata njerëz ikën, më vonë trupat mercenare të fisit Quanrong sulmuan. Mbreti You, i cili po argëtohej në vilën e llixhave rrëzë malit Lishan, dha urdhri që të jepej alarm me anën e tymit si sinjal drejtuar principatave, por krerët e principatave kujtuan se mbreti papërsëritje shakanë e tij, prandaj nuk e përfillën. Trupat mercenare të fisit Quanrong nuk hasën asnjë rezistencë dhe arritën me lehtësi rrëzë malit Lishan, ku vranë mbretin You dhe morën bukuroshen Bao Si, me fundin e tyre, u përmbys dinastia Zhou Perëndimor. Ky është një tregim i vërtetë historik. Ngjarja ndodhi në vitin 771 para erës së re.