Këngatari i ushtrisë kineze Liu Bin është një këngëtar i famshëm i Ansamblit të këngëve e valleve "Luftëtarë" të zonës ushtarake të Pekinit dhe artisti i klasit të parë shtetëror. Në fillim, profesioni i tij ishte Opera e Pekinit dhe më vonë me përpjekjet e tij ai u bë këngëtar. Këngën me titull: " Ne jemi ushtarë" Liu Bin jo vetëm e interpretoi i pari, por ai është edhe një nga kompozitorët e kësaj kënge. Me transmetimin e kësaj kënge në stacionin e Televizionit, edhe emri i Liu Binit shpejt u bë i njohur në familjet e shikuesve. Më poshtë, ju ftojmë të dëgjoni këngën: "Ne jemi ushtarë".

Në vitin 1974, Liu Bini 14-vjeçar hyri në Trupën e Operës së Pekinit në qytetin Çangçun të Kinës veri-lindore. Pas dy vjet përpjekjesh të mëdha ai filloi të luante rolin kryesor të Operës së Pekinit dhe fitoi shumë herë nëpër konkurse. Në vitin 1984 ai mori provimet dhe u pranua në Ansamblin e këngëve e valleve "Luftëtarë" të zonës ushtarake të Pekinit. Nëpërmjet studimeve të zellshme dhe qëndrimit pas profesorëve Gjin Tien Lin dhe Vang Bing Zhui, ai shumë shpejt përvetësoi mjeshtrinë e të kënduarit dhe zuri vendin e parë në Konkursin e pestë televiziv kombëtar të këngëtarëve të rinj të stilit kombëtar. Me prirjet e tij dhe aftësinë e tij për interpretimin e këngëve, Liu Bin është bërë tani një këngëtar i dalluar i tribunës ushtarake të Kinës.

Kënga me titull: "Në kazermat ushtarake ka kohë me diell dhe me shi", e interpretuar nga Liu Bini, pasqyron jetën e stërvitjeve ushtarake të luftëtarëve.

 Kënga lirike: "Atje çelin shumë lulet e pjeshkëve".

Si ushtar, Liu Bini shkon shpesh edhe nëpër reparte për të dhënë shfaqje dhe njëkohësisht provon të kompozojë edhe këngë që pasqyrojnë jetën e reparteve ushtarake. Një prej tyre është kënga: "Letrat e luftëtarëve", ku përshkruhet pritja me padurim nga luftëtarët të letrave të familjes. Në këngë thuhet: "Sa shumë ndjenja dashurore përmban një letër nga familja, këtë vetëm ne luftëtarët e dimë mirë."

 Të dashur dëgjues, dëgjuat një grup këngësh ushtarake, të interpretuara nga këngëtari i famshëm Liu Bin. Të dashur dëgjues, mirudëgjofshim herën tjetër. ( Daming )