Në kohët e lashta në shtetin Çu jetonte një funksionar që quhej U Xë Sy. I ati dhe i vëllai u vranë nga mbreti Çu Pin Van, ndërsa ai pas shumë pengesa dhe vështirësi u arratis në shtetin U dhe u betua se do të merrte hak. Shen Bao Sy, miku i tij i ngushtë, e këshilloi që të mos kalonte në ekstrem, por ai nuk e dëgjoi. Shen Bao Sy i tha: "Mirë, por në rast se ti je i vendosur të përmbyset shteti Çu, unë jam i vendosur të rilindë ai." Më vonë me ndihmën e U Xë Sy-së, mbreti i shtetit U, Hë Ly vërtetë e shtiu në dorë Jin Du, kryeqytetin e shtetit Çu, por në atë kohë mbreti Çu Pin Van kishte vdekur. U Xë Sy e nxori kufomën e tij nga varri dhe e goditi 100 herë me kamxhik, për të shprehur indinjatën dhe urrejtjen ndaj tij. Kur e pa se U Xë Sy i shërbeu shtetit U për hakmarrje dhe shpartalloi vendin e vet, bile goditi kufomën e të vdekurit, Shen Bao Sy s'duroi dot dhe i dërgoi një njeri për t'i çuar këto fjalë: "Për hakmarrje, ti ke shkuar tepër larg, por mos harro se je shtetas i shtetit Çu."

U Xë Sy ia preu shkurt dhe i tha: "E di se i kam ditët të numëruara, por si dita që po i afrohet mbrëmjes, edhe unë s'kam ç'të bëj, veçse të hakmerrem." Më vonë Shen Bao Sy mori si ndihmë luftëtare nga shteti Çin dhe e shpëtoi më në fund shtetin Çu, kurse U Xë Sy u vra nga mbreti tjetër i shtetit U, edhe Fu Çai pati një fund të hidhur.

Shprehja " e hedh hapin pa e matur" mbeti për të cilësuar ata njerëz që bëjnë veprime absurde në kundërshtim me arsyen.