Për të nxitur shkëmbimet kulturore midis Kinës dhe Shqipërisë, në bazë të marrëveshjes së bashkëpunimit të arritur midis dy palëve të dyja palët ranë dakort për organizimin e " Ekspozitës së sendeve të arteve folklorike të koleksionuara në Muzeun e Arteve Figurative të Kinës në Shqipëri" në vitin 2004 dhe për organizimin e " Ekspozitës së sendeve të arteve figurative të Galerisë Kombëtare të Arteve të Shqipërisë " në vitin 2005.

Eksponantet e "Ekspozitës së sendeve të arteve folklorike të koleksionuara në Muzeun e Arteve Figurative të Kinës" që do të organizohet në Shqipëri në prag të 55 vjetorit të vendosjes së marëdhënieve diplomatike midis Kinës e Shqipërisë janë të zgjedhura nga këto sende të koleksionuara, në të cilat bëjnë pjesë vepra të letrës së prerë në figura të ndryshme, vepra të qëndisura, vizatime të Vitit të Ri sipas kalendarit hënor kinez dhe figura të vizatuara ose të gdhendura të operave ose të përrallave popullore të dekorit muror.

Festa e pranverës është festa më e rëndësishme tradicionale e popullit kinez. Ngjitja në mur e vizatimeve për Vitin e Ri sipas klendarit hënor kinez, me rastin e festës së pranverës, është një zakon i popullit kinez, i trashëguar nga kohët e lashta. Gravura në dru për Vitin e Ri është një vepër artistike folklorike, posaçërisht për festë, që pasqyron jetën shoqërore, zbukuron mjedisin publik të ditës se festës dhe shërben për krijimin e një atmosfere festive.

Në të pasqyrohet kremtimi i njerëzve për korrjet e bollëshme, gëzimi i tyre gjatë Vitit të Ri sipas kalendarit hënor kinez, si dhe dëshira e tyre për një vit të ardhshëm mbarë, për lulëzimin e stabilitetin e vendit, për dëbimin e të gjithë të këqijave dhe për pranimin e të gjitha të mirave. Gravurat për Vitin e Ri kanë me tematikë të gjerë dhe forma të shumta, ku dallohen përrallat popullore, tregimet historike, idiomat e gjuhës kineze, personazhet e operave lokale, bukuroshet e fëmijët, zakonet e kremtimit të festave. Kemi edhe forma lulesh, zogjsh, peshqsh e insektesh, aspekte të punës, prodhimit dhe jetës së përditshme etj. Këto gravura kanë karakteristika të theksuara dhe paraqitën me ngjyra të forta ose të buta. Disa janë me vija të qarta e me ngjyra të hapura, kurse disa janë me një stil të lashtë, sidomos gravurat me temë operistike. Në këto gravurë janë vizatuar me hollësi karakteristikat, shprehjet, veprimet dhe qendrimet e personazheve operistike, pra ato kanë një forcë të madhe shprehëse.

Ndër gravurat për Vitin e Ri janë : tre yje, 9 luanë, hyjnitë e portës Qinqun Gjinde, rojet përpara administratës, heroina Muguiyin, luan i shënjtë për ruajtjen e shtëpisë, dhënia e lumturisë nga funksionari qiellor, lutje për fëmijë, cifte të pasuruara deri në pleqëri, hyjnia e pasurisë, kapja e zonjës Jiuhua , hyjnitë e portës me sëpata, gjithë të mirat në Vitin e Ri, bukuroshja duke i rënë Pipës, trimëria nëpër pyjet malore etj. (zhai)