Kanding është emri i një vendi në pjesën perëndimore të provincës Sëçuan. "Kënga e dashurisë Kanding" është një këngë popullore shumë e famshme, që është e përhapur jo vetëm në Kinë, por edhe në vende të tjera të botës. Kjo këngë ka ritëm të rrjedhshëm e të bukur dhe shpreh dashurinë e zjarrtë midis të rinjve e të rejave dhe ndjenjat e dëshirat e tyre për jetën e lumtur.

Dëgjuat këngën e famshme popullore kineze: "Kënga e dashurisë Kanding"

Provinca Sëçuan ndodhet në pjesën jug-perëndimore të Kinës, në rrjedhën e sipërme të lumit Jance. Ajo është rrethuar nga malet, pjesa lindore e saj është ultësirë, kurse pjesa perëndimore e saj është rrafshnaltë. Provinca Sëçuan ka shumë lloje këngësh, ndër të cilat këngët popullore janë më karakteristike. Më poshtë, do të dëgjoni këngën malore me titull: "Kur do të çelin lulet akacie?" Në këngë përshkruhet pamja e pritjes me padurim të të dashurit nga një vajzë, e cila shikon larg, e mbështetur tek parmaku. Nëna e saj e pyet se ç' po mendon? Ajo i përgjigjet me turp: " Unë po mendoj se kur do të çelin lulet akacie." Kjo përgjigje e bukur tregon edhe dëshirën e vajzës për të ardhmen e saj të bukur.

Në provincën e Sëçuanit janë përhapur edhe shumë "melodi të Sëçuanit" me veçori të ndryshme, disa pasqyrojnë jetën popullore, disa përdoren në rastet e dasmave dhe të festimeve popullore. Melodia: "Vjelja e luleve" është një melodi tradicionale, ku u këndohet luleve të 12 muajve të vitit. Nga kjo këngë njerëzit mund të marrin shumë njohuri mbi prodhimin e jetën.

"Fenerët me lule" është një lloj valleje popullore e kënduar. "Hosteni prej druri Huanjan" është një melodi tradicionale.

Këngët e punës të Sëçuanit janë shumë të pasura. Më poshtë, do të dëgjoni : "Këngën e punës së varkëtarëve mbi lumin Çuangjian."

Ju flet Radio e Jashtme e Kinës. Të dashur dëgjues, dëgjuat një grup këngësh popullore të provincës së Sëçuanit. (Daming )