Përgjegjësi përkatës i Ministrisë së Komunikacionit tha se me zhvillimin e shpejtë dhe të qëndrueshëm të ekonomisë kineze dhe të tregtisë së jashtme, portet detare janë bërë ura kryesore të pjesëmarrjes së Kinës në globalizimin ekonomik. Transporti i konteinerëve është një nga format e rëndësishme të modernizimit të komunikacionit.

Në vitin 2003, numri i ngarkim-shkarkimit të konteinerëve të porteve të Kinës arriti në 48 milionë konteinerë, duke zënë kështu vendin e parë në botë.

Duke iu përgjigjur pyetjeve të gazetarit të Agjencisë Kineze të Lajmeve Hsinua, ky përgjegjës tha se me zhvillimin e tregtisë së jashtme, deri në vitin 2010, numri i ngarkim-shkarkimit të konteinerëve të porteve të Kinës do të arrijë në 100 milionë konteinerë dhe vëllimi i import-eksportit kinez do të arrijë në 1 trilionë dollarë amerikanë.

Ky përgjegjës është i mendimit se tregtia e jashtme kineze për vitin 2004 vazhdon rritjen e qëndrueshme dhe do të nxitë një prirje të mirë të zhvillimit të vazhdueshëm të tregut të transportit të konteinerëve të Kinës.

Vitet e fundit, infrastruktura e transportit të konteinerëve të Kinës është përsosur në mënyrë të dukshme, procesi i tregut është shpejtuar më tej, përmasat e ndërmarrjeve janë zgjeruar pandërprerë dhe cilësia e shërbimeve është ngritur nga dita në ditë. Gjatë planit të 9-të 5 vjeçar, vëllimi i ngarkim-shkarkimit të konteinerëve të porteve të Kinës u rrit mesatarisht 30% në vit.

Ky përgjegjës analizon se komunikacioni është barometri i zhvillimit të ekonomisë lokale dhe shtetërore, sidomos, i zhvillimit të tregtisë së jashtme. Zhvillimi i shpejtë i transportit të konteinerëve është një shprehje e ngritjes së vazhdueshme të industrisë kineze dhe e hapjes me jashtë. Vëllimi i përgjithshëm i import-eksportit të Kinës për vitin 2003 arriti në 851 miliardë e 210 milionë dollarë amerikanë. Ky vit ishte viti i rritjes më të shpejtë qysh nga viti 1980.(Hai)