Pak kohë më parë, Shoqata e Industrisë së Automjeteve të Gjermanisë, që përfaqëson interesat e biznesmenëve të mbi 500 fabrikave të prodhimit të makinave dhe të pjesëve të automjeteve të Gjermanisë, ka organizuar grupin e saj në Kinë për t'i njohur konsumatorët me automjetet gjermane. Drejtori i përgjithshëm i kësaj shoqate profesor Bernd Gottschalk tha se

në teknologjinë dhe në reformimin e automjeteve, ne kemi aftësi të madhe në botë. Në të ardhmen, industria e automjeteve gjermane do të shpejtojë më tej aktivitetet tregtare në Kinë dhe do të vazhdojë bashkëpunimin e sinqertë për të garantuar të drejtën e konsumatorëve kinezë në përdorimin e automjeteve me cilësinë më të mirë në botë.

Qëllimi i ardhjes së Shoqatës së Industrisë të Automjeteve gjermane është shumë i qartë, kjo bëhet me qëllim që të gjithë biznesmenët e fabrikave të prodhimit të automjeteve të Gjermanisë të zënë dhe të zgjerojnë pozitën e tyre në tregun e automjeteve të Kinës.

Në fakt, automjetet e Gjermanisë janë zhvilluar më herët në tregun e Kinës. Ndër 2 milionë veturat e prodhuara në vit nga Kina, mbi 700 mijë prej tyre janë të markave gjermane. Në fund të vitit të kaluar, grupi i njohur, BMW, me veturën e vet të këndshme dhe luksoze, ka krijuar ndërmarrjen e investimeve të përbashkëta në Kinë. Tani, ai mund të prodhojë makina të 5 tipeve, cilat janë shitur shumë shpejt në tregun e automjeteve të Kinës. Drejtori i përgjithshëm i ndërmarrjes me investime të përbashkëta z. Preisler tha se ne jemi bërë biznesi më i mirë kinez i prodhimit të veturave luksoze dhe do të rritemi së bashku me tregun kinez. Grupi i automjeteve Volksvagen është forca kryesore e biznesmenëve gjermanë për prodhimin e automjeteve në Kinë. Gjysma e veturave janë prodhuar nga fabrika e investimeve të përbashkëta Volksvagen. Para shumë vjetëve, vetura Audi që caktuar nga qeveria kineze si veturë pune.

Në ekspozitën ndërkombëtare të automjeteve të Pekinit të organizuar në qershor të këtij viti, Kompania Amerikane Ford eksportoi 51 automjete të formave të ndryshme. Tani, brenda 2 javësh, Kompania Ford transportoi edhe një herë veturat e prodhuara nga ajo, në Kinë. Sasia e shitjes së veturave të saj është shtuar nga viti në vit. Zv/drejtori i kësaj kompanie z. Sy guo Yhen i tha gazetarit se tendenca e shitjes së veturave, të prodhuara nga Kompania Ford, është shumë e mirë. Nga janari deri në prill të këtij viti, ne kemi patur mbi 200% rritje në shitje. Ne jemi optimist për shitjen tonë vjetore.

Biznesmenët kinezë të automjeteve, që marrin pjesë në bashkëpunimin e investimeve të përbashkëta, i përshëndetën këta biznesmenë të huaj të automjeteve. Investimet e përbashkëta kanë ngushtuar disnivelin e teknologjisë dhe të administrimit të automjeteve të prodhuara nga Kina me atë të botës dhe kanë sjellë efektivitet të përshtatshëm.

Duke folur për sukseset e kompanisë së Automjeteve Shenlong me investimet e përbashkëta të shoqërisë kineze të automjeteve Dongfeng dhe të grupit francez PSA Peugeot Citroen, drejtori i përgjithshëm i Shoqërisë së Automjeteve Dongfeng z. Miao Y tha se, vitet e fundit, shoqëria Shenlong ka arritur suksese të njohura në botë në anën e biznesit, niveli i teknologjisë së kësaj kompanie është ngritur pandërprerë dhe prodhimi e shitja e automjeteve të saj janë shtuar në mënyrë të qëndrueshme. Shoqëria Shenlong jo vetëm ka grumbulluar përvoja të shtrenjta për zhvillimin e veturave të shoqërisë Dongfeng, por edhe ka zënë një vendi të favorshëm në konkurencën e ashpër të tregut për të.

Z. Guan Van Qeng është një admirues i makinave. Ai ka një veturë Baolai të prodhuar me investimet e përbashkëta të Kinës dhe Gjermanisë dhe ka mbajtur qëndrim të përkrahës për zhvillimin e automjeteve të prodhuara me investimet e përbashkëta. Në qoftë se nuk do të kishim automjete të tilla të prodhuara me investime të përbashkëta, teknologjia e re nuk do të mund të hynte në Kinë. Tani, niveli i produkteve të prodhuara nga Kina po afrohet me nivelin e produkteve ndërkombëtare në fushën e prodhimit të automjeteve. Krahas ngritjes së nivelit të projektimit dhe të teknologjisë, Kina, me siguri, do të prodhojë disa automjete të mira. (Sihai)