Në kuadrin e 55-vjetorit të vendosjes së marrëdhënieve diplomatike midis Kinës dhe Shqipërisë, në bazë të marrëveshjes së shkëmbimeve midis Muzeut të Arteve Figurative i Kinës dhe Galerisë Kombëtare të Shqipërisë, në tetor të këtij viti do të organizohet në Shqipëri "Ekspozitën e sendeve të artit folklorik, të koleksinuara në Muzeun e Arteve Figurative të Kinës ".

Në eksponantet e kësaj ekspozite bëjnë pjesë vepra të letrës së prerë në figura të ndryshme, vepra të qëndisura, vizatime të Vitit të Ri sipas kalendarit hënor kinez dhe figura të vizatuara ose të gdhendura të operave ose të përrallave popullore të dekorit muror.

Vepra kineze e letrës së prerë në figura të ndryshme ka një histori të gjatë, që fillon nga gdhendja e luleve në fleta ari ose argjendi dhe në lëkura në dinastinë Shang ( shekulli l7-ll para erës sonë ) dhe vazhdon pas shpikjes së letrës, me krijimin e veprave të letrës së prerë në figura të ndryshme. Duke i trashëguar brez pas brezi këto krijime, lindën vazhdimisht edhe krijime të reja në këtë lloj arti që ka një histori rreth 2000 vjeçare. Prerja e letrës është një art figurativ që realizohet me anën e prerjes në mes të letrës. Teknologjia e këtij arti ndahet në prerjen me gërshërë ose me thikë. Letra e prerë është njëngjyrëshe dhe shumëngjyrëshe. Letra e prerë njëngjyrëshe shpesh përdoret edhe si model i qëndisjeve të grave. Ashtu si arte të tjera folklorike edhe vepra folklorike kineze e letrës së prerë ka dallime të mëdha rajonale. Vepra e letrës së prerë të Kinës jugore paraqet figura artistike të bukura, e të larmishme, kurse ajo e Kinës veriore figura të thjeshta klasike. Tematika e figurave është e gjerë dhe prek simbole të fatmirësisë, tregime historike, personazhe të pjesëve operistike e teatrale dhe të përrallave popullore, persona të ndryshëm historikë, male e lumenj, lule, zogj, peshq, shpendë, kafshë, l2 kafshët horoskopike, tempuj e pagoda, urime jetësore, mite dhe besime fetare etj e të tjera fakte që lidhen ngushtë me stinët, kohën, ceremonitë e festat në jetën e njeriut, me zakonet e doket e lashta të Kinës dhe që përfshijnë të gjitha fushat e jetës. Për arsye se arti i prerjes së letrës është i lehtë për t'u mësuar, i bukur, me kosto të ulët dhe me përmbajtje të thellë folklorike, ai u bë arti më popullor folklorik, me historinë më të gjatë, me përhapjen më të gjerë e me përmbajtjen më të pasur.

Autorët e këtyre veprave janë kryesisht gra fshatare. Ka një numër të madh grash me duar të arta, që shprehin me anën e letrës së prerë, këtij arti të vjetër folkrorik, dëshirat dhe prirjet e tyre të shumta.

Ndër veprat e letrës së prerë janë " Kukulla me flokët e mbledhura kulaç ", " Vallja e luanëve ", " Feniksi dhe dragoi ", " Tigër nënë e bir ", " Tigri me trup zogu në fluturim", "Model për qëndisje në mëngë ", "Dragoi në fluturim ", "Tregim i zotit Hanvang " " Vizatim për ditëlindje ", " Ritet martesore "? " Fluturimi i vajzës Chan E në Hënë", " Martesa e bukuroshes Zhao Gjun në zonën kufitare ", " Kërcimi i krapit "etj. (zhai)

`