Lumi Huanpu në Shangai është njësoj siç ka qenë edhe në të kaluarën, kurse zona e re Pudong në bregun lindor të këtij lumë është bërë një zonë e bukur me një pamje mahnitëse. Më 18 prill të vitit 1990, filloi zyrtarisht ndërtimi i zonës Pudong. Gjatë 12 vjetëve të shkuar, kjo zonë ka kaluar nëpër një rrugë më se 100 vjeçare të vendeve të zhvilluara perëndimore, dhe nëpër një rrugë 30 vjeçare të vendeve të reja të industrializuara. Zona Pudong, është bërë një miniatura e ndërtimit të modernizimeve të Shangait dhe një simbol i reformës dhe i hapjes së Kinës.

Një zonë e re qytetare e hapur, me funksione të shumta dhe moderne po lind në sytë e njerëzve, ndryshimet kaq të mëdha e mahnitën botën, kasollet fshatare dhe kabinat e ulta të punëtorëve u shëndruan në godina të larta e vigante, rrugicat me balte u shndërruan në rrugë të gjëra automobilistike...... Në bazë të porosisë së projektuesit të përgjithshëm të reformës dhe hapjes të Kinës, Ten Siao Ping: "Ta ndërtojmë me kohë zonën Pudong, të mos lëkundemi deri sa të realizohet ndërtimi i kësaj zone", gjatë ndërtimit intensiv dhe me shpejtësi të madhe, në zonën Pudong u realizua zhvillimi proporcional, i ekonomisë dhe shoqërisë, i pamjes dhe ekologjisë, i ndërtimit dhe i administrimit, dhe u vlersua lart brenda e jashtë vendit, në konferencën e APEKUT.

Gjatë 12 vjetëve, duke bërë me guxim krijime të reja, në zonën Pudong janë krijuar pamje të mahnitshme njëra pas tjetrës.

Duke ndjekur kursin strategjik: "ndërtimi i zonës Pudong, zhvillimi i qytetit Shangait, shërbimi i mbarë vendit dhe drejtimi i syve nga e gjithë bota", me anën e shfrytëzimit të burimeve të brendshme dhe të jashtme dhe qarkullimit dypalësh të tregjeve të brendshëm dhe të jashtëm, në Pudong u realizuan ndërtime të nivelit të lartë dhe zhvillime të jashtëzakonshme.

Sipërfaqja e zonës Pudong përbën 1/12 e sipërfaqjes së përgjithshme të qytetit Shangai, dhe numri i popullsisë përbën 1/10 e popullsisë së Shangait.

Rritja mesatare vjetore të prodhimit të përgjithshëm të Pudongut arriti 20% dhe vitin e kaluar, vlera e prodhimit të përgjithshëm arriti në 108 miliardë e 200 milionë juanë, pra 19 herë më shumë se ajo e vitit 1990, që ishte viti e fillimit të ndërtimit të kësaj zone.

Ndërtimi dhe zhvillimi i zonës Pudong ka nxitur edhe zhvillimin e zonave në të dy brigjet e lumit Jance me 300 milionë popullsi dhe me një sipërfaqje prej 1 milionë e 800 mijë kilometrash katërore. Tani në zonën Pudong, komitetet dhe ministrat e qëndrës, dhe provincat e qytet kanë investuar më se 6 mijë e 300 objekte me fonde të regjistruara prej 32 miliardë juanësh. Në zonën Pudong janë vendosur selite e përgjithshme të më se 30 firmave dhe blloqeve të mëdha dhe më se 200 shoqeri të investimeve ose të administrimit të investimeve.

Zona Pudong po krijon me përpjekje një mjedis të mirë të investimeve, të ligjeve dhe të jetës. Deri tani, Pudongu ka tërhequr 8 mijë objekte të investuara nga 78 vende e rajone të botës dhe vëllimi i përgjithshëm i investimeve arriti në 40 miliardë dollarë amerikanë, ndër ta, më se 200 objekte janë investuar nga më se 100 firma ndër 500 firmat më të forta në botë, 28 firma shumëkombëshe e kanë vendosur selinë e tyre të përgjithshme rajonale në Pudong.

Gjatë 12 vjetëve, kapitali fiks i gjithë shoqërisë së Pudongut arriti në më se 360 miliardë juanë. Në këtë zonë janë ndërtua edhe një numër "lagjesh ndërkombëtare", ku banojnë mijëra familje të huaja.

Pas hyrjes së Kinës në OBT, si kreu i zonave ekonomike të rrjedhës së lumit Jance dhe si dritare e reformës dhe hapjes së Kinës, zona Pudong u vu edhe një herë në paravijën e konkurrencës ndërkombëtare. Ajo do të zhvillojë kryesisht shërbimet moderne me sigurimet monetare në qëndër, si dhe industrinë e teknologjisë së lartë dhe të re, të përfaqësuar nga industria mikroelektronike, e softeve dhe industria farmaceubiologjike.

Qyteti i Shangait po fillon zbatimin e planit të zhvillimit kompleks në përpjesëtime të mëdha në të dy brigjet e lumit Huanpu.

Specialistët janë të mendimit se zhvillimi i ri zonës Pudong është një shans historik. Kryeadministratori i zonës së re Pudong, Hu Vei tha se nga 22.6 kilometra katërore në të dy brigjet e lumit Huanpu, 60% e tyre janë në Pudong.

Në të ardhmen, duke shfrytëzuar rastin e hyrjes së Kinës në OBT, të zhvillimit kompleks të të dy brigjeve të lumit Huanpu dhe të kërkesës së Shangait për organizimin e panairit botëror, zona Pudong do të forcojë më tej aftësinë e konkurrencës komplekse.