Në një forum të specialistëve, drejtori i degës aziatike pranë Ministrisë së Tregtisë Van Bing Xin tha se qysh nga viti 1993, ASEAN-i ka ruajtur, për 11 vjet me radhë statusin e partnerit të 5-të tregtar të Kinës, ndërsa Kina është bërë partneri i 6-të tregtar i ASEAN-it.

Sipas të dhënave statistikore të doganës kineze, nga viti 1990 deri në vitin 2003, përqindja e rritjes vjetore mesatare të vëllimit të përgjithshëm të tregtisë midis Kinës dhe ASEAN-it arriti në 20,86%. Sipas të dhënave statistikore të ASEAN-it, nga viti 1993 deri në vitin 2001, përqindja e rritjes vjetore mesatare të vëllimit të tregtisë midis ASEAN-it dhe Kinës arriti në 22,69%. Deri në vitin 2003, vëllimi i tregtisë midis Kinës dhe ASEAN-it arriti në 78 miliardë e 200 milionë e 520 mijë dollarë amerikanë. Kjo shifër ishte shtuar 151 herë, në krahasim me vitin 1975.

Mallrat kryesore të tregtisë midis Kinës dhe ASEAN-it realizuan ndryshimin nga produktet e thjeshta në produkte industriale. Pesha e produkteve elektro-mekanike dhe të teknologjive të reja dhe të larta është shtuar pandërprerë në tregtinë e import-eksportit.

Para viteve 90 të shekullit të kaluar, Kina eksportoi kryesisht prodhimet bujqësore dhe produktet e industrisë tekstile në ASEAN. Vitet e fundit, produktet elektro-mekanike të eksportuara nga Kina në ASEAN janë shtuar nga viti në vit.

Njëkohësisht, produktet elektro-mekanike të importuara nga ASEAN-i në Kinë u shtuan po ashtu shumë. Para viteve 90 të shekullit të kaluar, tregtia midis Kinës dhe ASEAN-it ishte gjithmonë deficit i palës kineze. Qysh nga viti 1993, tregtia e palës kineze me ASEAN-in ka patur suficit, i cili është zgjeruar nga viti në vit.

Suficiti i tregtisë për vitin 2000 midis Kinës dhe ASEAN-it arriti 4 miliardë 2 800 milionë e 400 mijë dollarë amerikanë. ASEAN-i është bërë një nga rajonet kryesore të suficitit të tregtisë së jashtme të Kinës. Deri në vitin 2003, suficiti tregtar i Kinës me ASEAN-in u shtua në 16 miliardë e 400 milionë dollarë amerikanë. (Sihai)