Zgjidhja e problemit të bujqësisë, fshatit dhe të fshatarëve është një problem i rëndësishëm që duhet të zgjidhet me kohë në procesin e ndërtimit të shoqërisë komode. Në sesionin e 10-të të Komitetit të Përhershëm të Asamblesë Kombëtare Popullore të Kinës të legjislaturës së 10-të, që sapo u mbyll, u theksua se duhet ta konsiderojmë zgjidhjen si duhet të problemit të bujqësisë, fshatit dhe të fshatarëve si detyrën më të rëndësishme ndër të gjitha punët.

Duke folur për zbatimin e politikave dhe të masave të ndryshme të ndihmës në bujqësi me financat publike, ministri kinez i financave Jin Ren Çing tha se ne duhet të shtojmë me të vërtetë fondet për fshatin, bujqësinë dhe fshatarët, të rregullojmë strukturën e shpërndarjes së burimeve të financave publike dhe të krijojmë sistemin e rritjes së qëndrueshme të fondeve të ndihmës në bujqësi. Njëkohësisht, të zbatojmë seriozisht dhe të përsosim më tej politikën e shpërndarjes së subvencioneve të prodhimit të drithërave. Të vazhdohet thellimi i reformës së taksave të fshatit. Qysh nga ky vit, Kina duhet të anulojë taksat e produkteve karakteristike bujqësore, të pakësojë grudualisht taksat bujqësore dhe të anulojë brenda 5 vjetëve të ardhshëm të gjitha taksat bujqësore, që të lehtësohet më tej barra e rëndë e fshatarëve. Përveç këtyre, duhet të bëjmë si duhet punën e pastrimit të borxheve të fshatrave dhe të rigjallërojmë nxitjen e të ardhurave të tregut.

Ministri kinez i financave Jin Ren Çing tha se, vitet e fundit, potenciali i financave shtetërore është shtuar pandërprerë dhe pesha e të ardhurave nga taksat bujqësore në të ardhurat financiare të mbarë vendit është ulur pandërprerë. Në radhë të parë, ne duhet të forcojmë synimin për të ndihmuar krahinat e ndryshme në zbatimin e projektit të reformës. Së dyti; sektorët e nivelit të ndryshëm të financave duhet të shpejtojnë reformën. Së treti; pas anulimit të taksave bujqësore, duhet të përsoset administrimi i fshatit për të garantuar realizimin e mbarë të objektivit të reformës së rëndësishme mbi anulimin e taksave bujqësore. Së katërti; duhet të forcohet kontrolli për zbatimin e politikave të ndryshme të ndihmës në bujqësi.

Sivjet është viti i parë i reformës për pakësimin e taksave bujqësore. Tani, përveç provincave Gjilin dhe Helongjian të prodhimit kryesor të drithërave si zona provë të reformës, të caktuara nga Këshilli i Shtetit për heqjen e taksave bujqësore, Shangai, Pekini, Tienjini, Zhejiangu dhe Fujiani, përfshirë këtu edhe disa qytete dhe distrikte të provincave të tjera, vetëvendosën të anulojnë taksat bujqësore. 11 provinca dhe rajone autonome të prodhimit kryesor të drithërave si Hebei, Shandongu, Anhui etj kanë ulur 3% të taksave bujqësore. Provincat e tjera kanë ulur 1% e taksave bujqësore.

Duke folur për detyrat kryesore të fazës së ardhshme të reformës së taksave të fshatit, Jin Ren Çing tha se që nga ky vit, Kina do të anulojë në mënyrë të gjithanshme taksat e produkteve karakteristike bujqësore përveç duhanit, do të zhvillojë eksperimente për reformën në pika të caktuara për pakësimin ose heqjen e taksave, do të anulojë brenda 5 vjetëve të ardhshëm të gjitha taksat bujqësore, me qëllim që të lehtësohet më tej barra e rëndë e fshatarëve, të përsoset mjedisi i prodhimit dhe i jetës së fshatit dhe të nxitet zhvillimi përpjesëtimor ekonomik dhe shoqëror i qyteteve dhe fshatrave.

Tani, reforma e taksave bujqësore ka hyrë në fazën kyçe. Ministria e Financave po zbaton një sërë politikash dhe masash për shtimin e prodhimit të drithërave, të cilat janë: së pari, do të shpejtohet puna e shpërndarjes së subvencionit për prodhimin e drithërave. Përveç Çihait dhe Tibetit, 29 provinca, rajonet autonome dhe qytete do të realizojnë shpërndarjen e subvencioneve direkte për fshatarët që mbjellin drithëra. Vëllimi i përgjithshëm i fondeve ka arritiur në 11 miliardë e 600 milionë juanë. 600 milionë fshatarët do të përfitojnë nga këto politika. Së dyti, do të caktohet projekti i çmimit më të ulët të blerjes së orizit për të zhdukur shqetësimin e fshatarëve në mbjelljen e orizit. Së treti, do të shtohen subvencionet e prodhimit të orizit. Deri tani, 13 provinca ose rajone autonome kanë hedhur subvencione prej 1 miliardë e 200 milionë juanësh në prodhimin e orizit, të grurit, misrit, sojës etj. Së katërti, fondet për shfrytëzimin kompleks të bujqësisë do të përdoren në zonat kryesore të prodhimit të drithërave. Së pesëti, do të stabilizohet çmimi i materialeve të prodhimit bujqësor në politikën e financave dhe të të ardhurave nga taksat.

Administratat e niveleve të ndryshme të qeverisë duhet ta kryejnë si duhet këtë punë, që ka të bëjë me interesat jetike të masës qindra milionëshi të fshatarëve kinezë. (Sihai)