Në dhjetëditorin e 2-të të qershorit të këtij viti, Ministria Amerikane e Tregtisë publikoi rezultatin e gjykimit të parë të një antidumpingu, domethënë , do të grumbullohen 4,9%-198% taksa antidumping ndaj mobiljeve prej druri të dhomës së fjetjes të Kinës. Deri tani, ky është projekti më i madh monetar në mbi 100 projekte antidumping ndaj Kinës nga SHBA-ja. Vëllimi monetar arriti në 1 miliardë e 200 milionë dollarë amerikanë. Për këtë gjykim të Departamentit Amerikan të Tregtisë, drejtori i përgjithshëm i Shoqatës së Mobiljeve Kineze z. Jia Qing Ven tha se "unë jam i mendimit se ky gjykim është joracional. Industria e mobiljeve kineze është një industri e tregut të plotë. Në produktet e mobiljeve eksportuese të Kinës në SHBA, 70% prej tyre janë prodhuara nga ndërmarrjet me investime të huaja. Prandaj, ne nuk ramë dakort që SHBA-ja ta llogaritë koston e produkteve tona sipas standardit të vendit të 3-të.

Sipas njoftimeve, deri në vitin e kaluar, mbi 30 vende ose rajone të botës kanë zhvilluar hetime të mbi 500 projekteve të antidumpingut ndaj produkteve eksportuese të Kinës, duke prekur mbi 4 mijë lloje mallrash dhe duke ndikuar mbi 16 miliardë dollarë amerikanë të vëllimit të tregtisë së produkteve eksportuese të Kinës.

Disa ekonomistë dhe funksionarë kinezë janë të mendimit se SHBA-ja, Bashkimi Evropian dhe vende të tjera nuk e konsiderojnë Kinën si vend të ekonomisë së tregut dhe kanë ndërmarrë shpesh veprimet e antidumpingut ndaj produkteve eksportuese të Kinës. Kjo metodë është e pabarabartë dhe e papërshtatshme me gjendjen reale të zhvillimit të ekonomisë kineze.

Drejtori i Institutit të studimit për administrimin ekonomik dhe energjik profesor Li Xiao Xi është i mendimit se tani, Kina i ka plotësuar kushtet si një vend i ekonomisë së tregut.

Kina ka kaluar nëpër një reformë shumë vjeçare. Standardi themelor si një vend i ekonomisë së tregut tashmë mund të funksionojë. Ai tha, gjithashtu, se sipas standardit të Evropës, SHBA-së dhe të vendeve të tjera, Kina i ka plotësuar kushtet si një vend i ekonomisë së tregut në administrimin e qeverisë, biznesin e ndërmarrjeve, çmimin e produkteve, sistemin e monedhës, mjedisin e tregtisë etj.

Për të fituar njohjen e gjerë të komunitetit ndërkombëtar ndaj statusit të ekonomisë së tregut të Kinës, qysh nga ky vit, qeveria kineze, ndërmarrjet etj duhet të shpejtojnë më tej lidhjet me vendet dhe rajonet përkatëse.

Gjatë takimit, ditët e fundit, me sekretarin amerikan të tregtisë z. Donald Evans, ministri kinez i tregtisë Bo Xi Lai tha se ne mund t'ua bëjmë të ditur qarqeve ekonomike amerikane dhe biznesmenëve amerikanë, në mënyrë që ata të jenë të qartë se sistemi i ekonomisë kineze të tregut ka patur zhvillim të madh dhe e ka shfaqur tashmë vitalitetin e tij në jetën ekonomike.

Për këtë, sekretari amerikan i tregtisë Evans tha se Kina dhe SHBA-ja kanë planifikuar të zhvillojnë, në fillim të korrikut, një mbledhje për të diskutuar posaçerisht problemin e statusit të ekonomisë së tregut të Kinës. Unë shpresoj se dialogu i korrikut do të arrijë progres konkret.

Ekonomisti kinez, profesor Li Xiao Xi tha se krahas shtimit të vazhdueshëm të tregtisë së jashtme, sidomos të import-eksportit, në qoftë se Kina arrin statusin e vendit të ekonomisë së tregut, do të jetë një gjë me leverdi reciproke si për vendin tonë dhe për vendet e tjera. (Sihai)