Muzika "Sëxhu" është e përhapur kryesisht në pjesën jugore të provincës Gjiansu dhe në provincën Xhekiang të Kinës lindore dhe dallohet për karakteristika të theksuara në zonën e Shangait. Ajo është një formë orkestrale me vegla muzikore popullore me tela dhe frymore prej bambuje, duke përfshirë Ërhun, Pipan, fryellun, Shëngun, Siaon etj., si dhe disa vegla të tjera si daullen etj. Interpretimi orkestral me këto vegla krijon melodi shumë të rrjedhshme e të bukura, duke pasqyruar karakterin punëdashës e të thjeshtë të banorëve në jug të lumit Jance. Mund të themi se kjo muzikë "Sëxhu" përfaqëson kulturën e zonave në jug të lumit Jance të Kinës.

Në radhë të parë, do të shijoni melodinë me titull: "Sanliu".

Ju kemi treguar se muzika "Sëxhu" është përfaqësuese e kulturës së zonave në jug të lumit Jance. Ajo lindi nga fundi i dinastisë Ming, para mbi 300 vjetëve dhe me përpunimin brez pas brezi nga 1 janë formuar gradualisht karakteristikat e saj dhe nga është përhapur në mënyrë të vazhdueshme në krahinat e jugut të lumit Jance. Më poshtë do të shijoni melodinë me titull: "Interpretimi i rrugës", që është një formë e intepretimit muzikor duke ecur rrugës, dhe duke intepretuar muzikë. Kjo formë interpretimi përdoret shpesh në kohë feste, dasmash dhe në raste të tjera të gëzueshme. Zakonisht melodi të tilla janë të gëzueshme dhe të lehta e me plot frymë jete.

Në muzikën "Sëxhu" pasqyrohen shpesh ndjenja të gëzueshme me melodi të bukura e harmonike, duke u krijuar njerëzve 2 panoramave të bukura në vatrën e tyre me ara e liqene në jug të lumit Jance. Më në fund, ju ftojmë të shijoni një melodi orkestrale nga 8 meloditë e famshme të muzikës "Sëxhu" atë me titull: "Kënaqësi e madhe plot hare."

Të dashur lexues, dëgjuat disa melodi nga 8 meloditë e famshme të muzikës "Sëxhu". Mirulexofshim herën tjetër. ( Daming )