Agjencia kineze e lajmeve Hsinhua njoftoi se ditët e fundit, në Festivalin ndërkombëtar të kinematografisë për fëmijë të organizuar në Hendian të provincës Xhegjan, drejtuesi i Drejtorisë Kinematografike pranë Drejtorisë së Përgjithshme Shtetërore të Radio-film-televizionit të Kinës tha se sektorët përkatës të vendit kanë përpiluar disa politika në përkrahje të zhvillimit të kinematografisë për fëmijë.

Në intervistën me korrespondentin e Agjecisë Hsinhua, zv-drejtori i Drejtorisë Kinematografike Zhan Bei Min tha se duke filluar nga ky vit, sektorët përkatës të vendit do të investojnë 8 milionë juanë në vit për prodhimin e filmave artistike për fëmijë, njëkohësisht do të investojnë 5 milionë juanë për prodhimin e filmave vizatimorë për fëmijë. Në Kinë ka gjithësej më se 300 milionë fëmijë e pionierë dhe në tregun e filmave për femijë ka kërkesa të mëdha. Z.Zhan Bei Min u shpreh se krahas zgjerimit të tregut, shtimit të kërkesave dhe ngritjes së entuziazmit të prodhuesve të filmave, investimet në këtë drejtim do të shtohen më tej.

Përvec këtyre, Drejtoria e Përgjithshme Shtetërore e Radio-Film-Televizionit të Kinës ka lëshuar një qarkore zyrtare, në të cilën kërkohet që të gjithë qendrat televizive në rang province të hapin brenda 3 vjetëve kanalin televiziv për fëmijë, edhe radiot dhe televizionet e lokaliteteve ose të qyteteve duhet të hapin brenda vitit rubrikat për fëmijë. Z.Zhan Bei Min tha se për arsye të studimeve shkollore dhe të mungesave te kinemave si dhe për shkak të faktorëve të tjerë objektivë, fëmijët nuk kanë shumë kohë dhe raste t'i ndjekin filmat në kinema. Hapja e kanalit për fëmijë do t'u japin më shumë shanse fëmijë për të parë veprat kinematografike dhe televizive me temë për fëmijë, në mënyrë që ata të mund të kënaqen dhe të edukohen me vepra të shëndetshme kinematografike dhe televizive të prodhuara posaçërisht për ta.

Krahas reformës në rrjetet qarkulluese të filmave në kinema dhe zbatimit të sistemit të ndarjes së filmave artistike në shkallë të ndryshme, po diskutohet në Kinë krijimi i një rrjerti të ri qarkullues në kinema, posaçërisht për fëmijë. Drejtori i Drejtorisë Kinematografike pranë Drejtorisë së Përgjithshme Shtetërore të Radio-Film-Televizionit të Kinës Tong Gang i tha korrespondentit se tani, krahinat e ndryshme të mbarë vendit po bashkëpunojnë aktivisht me pallatin lokal të pionierëve për të shfaqur filmat e xhiruar posacërisht për fëmijë ose të përshtatshëm për fëmijë, në mënyrë që fëmijët të kenë mundësi të shohin filma artistikë gjatë aktiviteteve të tyre jashtëshkollore.

Krahas këtyre, shteti përkrah gjithmonë edhe konkursin e filmave për fëmijë për "çmimin e viçit". Nga viti l985 deri tani, janë organizuar l3 konkurse të filmave për fëmijë për çmimin e viçit, si çmimi më i lartë i filmave për fëmijë në Kinë. Veprat fituese do të fitojnë 700 mijë juanë si shpërblim. Ky është çmimi me shpërblimin më të madh në të gjitha konkurset kinematografike të Kinës.(zhai)