Foto:VCG
Fituesi i Topit të Artë, Lionel Messi deklaroi se është mirënjohës që u emërua ndër lojtarët më të mëdhenj në futbollin botëror, por sulmuesi argjentinas theksoi se ai nuk i kushton shumë rëndësi lavdisë individuale, shkruan “Reuters”.
Messi fitoi çmimin Topi i Artë për një rekord të madh herën e shtatë, duke mposhtur sulmuesin e Bayern Munich, Robert Lewandowski, dhe mesfushorin e Chelsea, Jorginho, për t'u shpallur lojtari më i mirë në botë.
Lojtari i Paris St. Germain shtoi trofeun prestigjioz në fitoret e tij të viteve 2009, 2010, 2011, 2012, 2015 dhe 2019 pasi kryesoi listat e golashënuesve të La Liga sezonin e kaluar dhe fitoi Kupën e Amerikës për herë të parë me vendin e tij korrikun e kaluar.
“Për mua, vetëm fakti që mund të konsiderohem apo citohet si një nga lojtarët më të mirë në botë është më se i mjaftueshëm”, -tha Messi në një intervistë për gazetën franceze “L'Equipe”.
“Nuk di si ta them që mos të keqinterpretohet. Nuk është se nuk më intereson, por nuk i kushtoj shumë rëndësi. Për mua nuk ka rëndësi nëse jam më i miri apo jo. Dhe asnjëherë nuk jam përpjekur të jem më i miri".
Messi mahniti botën e sportit në sezonin e ngushtë kur u largua nga klubi i fëmijërisë Barcelona dhe iu bashkua PSG-së në një marrëveshje dyvjeçare. Ai mbetet golashënuesi rekord i Barcelonës me 672 gola.
34-vjeçari është idhull për shumë tifozë në mbarë botën, por tha se nuk i pëlqen të japë këshilla si model për lojtarët më të rinj.
"Kam luftuar për ëndrrat e mia. Në fillim ishte të isha një lojtar profesionist, më pas u përpoqa të shkëlqej dhe të arrij qëllime të reja çdo vit", tha Messi, duke shtuar: “Në mes të gjithë kësaj ka edhe një pjesë të fatit, varet edhe nga Zoti, besoj se ka zgjedhur që e gjithë kjo të më ndodhë mua”. (Fatosi)
