[Foto nga ATSH]

[Foto nga ATSH]

Ministrja e Arsimit, Sportit dhe Rinisë, Evis Kushi, mori pjesë në aktivitetin e prezantimit të Strategjisë së Futbollit për Femra në Shqipëri.

Në fjalën e saj, ministrja Kushi bëri thirrje për gjithëpërfshirje sa më të gjerë në sport dhe që sportistet të mbështeten edhe nga familjet për të ndjekur ëndrrat dhe dëshirat e tyre.

“Strategjia jonë për sportin po synon tashmë burime dhe programe të reja investimi, të cilat rrisin nivelin dhe cilësinë e pjesëmarrjes së vajzave dhe grave në sport, për të sensibilizuar opinionin se ato kanë nevojë të përkrahen dhe të inkurajohen akoma më shumë”, -tha Kushi.

Në këtë aktivitet morën pjesë përfaqësues të institucioneve të ndryshme të sportit, personalitete nga futbolli, trajnerë e lojtarë. (Elona)