Klubet britanike të “Premier League”, “English Football League” dhe Super Liga e Femrave do të bashkohen në një bojkot katërditor të platformave të medieve sociale, në një përpjekje për të luftuar abuzimin dhe diskriminimin, citon “BBC”. Bojkoti do të fillojë më 30 prill.
Në bojkot do të përfshihen gjithashtu Shoqata e Futbollit, organet e ligës dhe organizata të tjera, përfshirë organizatën bamirëse antidiskriminuese “Kick it Out”.
"Ky bojkot nënkupton zemërimin tonë kolektiv", -tha kryetari i “Kick it Out” Sanjay Bhandari. "Mediat sociale tani janë fatkeqësisht një anije e rregullt për abuzime toksike. Duke bojkotuar platformat, po bëjmë një gjest simbolik ndaj atyre me fuqi. Ne kemi nevojë që ju të veproni. Kemi nevojë që të sillni ndryshimin”, -theksoi ai.
Më herët, qeveria britanike ka kërcënuar kompanitë e mediave sociale me gjoba të mëdha që mund të arrijnë në miliarda paund, nëse nuk arrijnë të trajtojnë abuzimet në platformat e tyre. (Irma)
