foto nga VCG
Zyra Shtetërore e Pronësisë Intelektuale e Kinës publikoi së fundmi gjendjen e zhvillimit të pronësisë intelektuale të Kinës në vitin 2021. Sipas raportit, Kina ka bërë përparim solid në bashkëpunimin në fushën e pronësisë intelektuale në kuadër të nisnës "Një brez, një rrugë". Statistikat tregojnë se në vitin 2021, numri i aplikimeve për patentë të paraqitura nga kompanitë kineze në vendet përgjatë "Një brez, një rrugë" ishte 8 596, me një rritje prej 29.4 % krahasuar me vitin 2020; ndërsa numri i autorizimeve për patentë arriti në 4 711, 15.3 % më shumë. Në të njëjtën kohë, numri i aplikimeve për patenta dhe autorizime shpikjesh në Kinë nga vendet përgjatë "Brezit dhe Rrugës" është rritur gjithashtu.
foto nga VCG
Në vitin 2021, Kina u përfshi edhe më shumë në qeverisjen globale të pronësisë intelektuale, duke iu bashkuar zyrtarisht Marrëveshjes së Hagës për Regjistrimin Ndërkombëtar të Dizajneve Industriale dhe Traktatit të Marrakeshit për Lehtësimin e Qasjes në Veprat e Botuara për të Verbrit, Personat me Vështirësi Shikimi ose Persona të Tjerë me Aftësi të Kufizuara për sa i përket Shtypshkrimit. Kina ka zbatuar në mënyrë të ndërgjegjshme përmbajtjen përkatëse mbi të drejtat e pronësisë intelektuale të marrëveshjes së Partneritetit të Gjithanshëm Ekonomik Rajonal (RCEP).
foto nga VCG
Po ashtu, në vitin 2021 monedha kineze RMB është promovuar me sukses për t'u bërë monedha e çmimeve dhe pagesave për tarifat ndërkombëtare në lidhje me aplikimet ndërkombëtare për patentë PCT të Organizatës Botërore të Pronësisë Intelektuale, dhe kinezishtja është bërë gjuha e punës e Bashkimit Ndërkombëtar për Mbrojtjen e Varieteteve të Reja të Bimëve. Marrëveshja e Treguesve Gjeografikë Kinë-BE është zbatuar në mënyrë të rregullt dhe 244 produkte me tregues gjeografikë të Kinës e BE-së janë njohur dhe garantuar në mënyrë të ndërsjellë.
