Foto: VCG
Instalimi i hekurudhës në pjesën e poshtme të urës Padma të Bangladeshit filloi të shtunën, njofton Xinhua.
Ura, më e madhja në Bangladesh, është pjesë e punimeve të ndërtimit të Projektit Padma Bridge Rail Link të kontraktuar nga një kompani kineze. Ministri i Hekurudhave të Bangladeshit, Nurul Islam Sujan, përuroi punimet në skajin Zajira të urës, në periferi të kryeqytetit Dhaka.
Pas inaugurimit, ministri u tha mediave se do të jetë e mundur të qarkullojnë trena në një nga tre seksionet e projektit të lidhjes hekurudhore, Dhaka në Bhanga në rrethin qendror Faridpur, për rreth 81 km deri në qershor 2023.
Projekti i Lidhjes Hekurudhore të Urës Padma prej 172 km është planifikuar të përfundojë në vitin 2024. Është një nga projektet më të rëndësishme në ndërtim e sipër nga China Railway Group Limited (CREC) dhe financuar nga Banka e Eksport-Importit të Kinës.
Lidhja hekurudhore do të kalojë përmes urës Padma, më e madhja e këtij lloji në Bangladesh, e cila u ndërtua nga China Railway Major Bridge Engineering Group Co. Ltd.
Ura Padma ndodhet rreth 40 km në jugperëndim të Dhakës, me një gjatësi totale prej 9.8 km, dhe prej saj, ura kryesore është 6.15 km e gjatë.
Historia e kalimit të lumit të fuqishëm Padma midis dhjetëra lagjeve në Bangladeshin jugor dhe kryeqytetit të Dhakës vetëm me tragete ose varka përfundoi në qershor të këtij viti, pasi ura u hap për trafik.
Lidhja hekurudhore, gjithashtu një kanal jetik që lidh rrjetin hekurudhor transaziatik, pritet të promovojë shumë lidhjen rajonale dhe zhvillimin ekonomik të Bangladeshit.(Fatosi)
