foto/VCG
Sekretari i përgjithshëm i OKB-së, Antonio Guterres, shprehu shqetësimin e tij për situatën e krijuar në termocentralin bërthamor Zaporizhzhia në Ukrainën jugore.
“U kam bërë thirrje të gjithë të interesuarve që të ushtrojnë sens të përbashkët dhe arsye dhe mos të ndërmarrin asnjë veprim që mund të rrezikojë integritetin fizik, sigurinë ose sigurinë e centralit bërthamor”, -bëhet e ditur në një deklaratë të publikuar nga Guterres, citon “Xinhua”.
Ukraina dhe Rusia kanë shkëmbyer akuza për një sulm në termocentralin Zaporizhzhia, i cili është një nga komplekset më të mëdha të energjisë atomike në Europë dhe prodhon një të katërtën e totalit të energjisë elektrike të Ukrainës. Në deklaratën e tij, Guterres tha se Kombet e Bashkuara vazhdojnë të mbështesin plotësisht punën kritike të Agjencisë Ndërkombëtare të Energjisë Atomike (IAEA) dhe përpjekjet e saj për të siguruar funksionimin e sigurt të uzinës Zaporizhzhia.
“I nxis palët që t'i ofrojnë misionit të IAEA-së qasje të menjëhershme, të sigurt dhe të papenguar në vend”, -tha Guterres.
Zëdhënësja e Ministrisë së Jashtme ruse Maria Zakharova tha të mërkurën se në vend që të diskutohen komente absurde si krijimi i një zone ndalim-fluturimi mbi termocentralin bërthamor të Zaporizhzhia, është e nevojshme që IAEA të inspektojë centralin.
Zakharova tha se Rusia kërkoi një takim të Këshillit të Sigurimit të OKB-së për bombardimin e uzinës Zaporizhzhia dhe komuniteti ndërkombëtar duhet të vlerësojë në mënyrë gjithëpërfshirëse situatën. (Irma)
