Zjarret ne France (Foto Thestatesman)
Zjarret në Ardeche të Francës juglindore, që shpërthyen të mërkurën në mëngjes, kanë djegur rreth 900 hektarë tokë dhe kanë detyruar evakuimin e banorëve të zonës, shkroi gazeta franceze “Le Figaro”, cituar nga “Xinhua”.
Raportohet se 550 zjarrfikës dhe 100 mjete për shuarjen e zjarrit, si dhe njësi ajrore të zjarrfikësve, janë mobilizuar për të vënë nën kontroll flakët.
Autoritetet lokale bënë të ditur se zjarri më i madh ka përparuar përgjatë lumit Ardeche dhe është drejtuar për nga qyteti Vogue, ku ndodhen zjarrfikësit e Ardeche.
Sipas autoriteteve, nuk ka pasur kërcënim për banesa dhe zona industriale e Lavilledieu është siguruar. (Irma)
