VCG
Prodhimi i naftës në Rusi u rrit me 3.4 për qind nga viti në vit në gjashtë muajt e parë të vitit, deklaroi ministri rus i Energjisë, Nikolai Shulginov.
Në një takim me presidentin rus Vladimir Putin, Shulginov tha se ndërsa prodhimi i naftës në vend në gjysmën e parë të vitit u rrit, prodhimi i gazit natyror ra me 5 për qind, citon “Xinhua” një deklaratë të Kremlinit.
Ministri tha se ndërsa prodhimi i qymyrit në gjysmën e parë të këtij viti mbeti në të njëjtin nivel me të njëjtën periudhë të vitit të kaluar, prodhimi i benzinës dhe karburantit dizel u rrit me 4.5 për qind.
Duke folur për ecurinë e sektorit energjetik në gjysmën e parë të vitit 2022, Shulginov tha se ai ka mundur të përshtatet me kushtet e vështira ekonomike, duke shtuar se tregu i brendshëm i energjisë është i qëndrueshëm dhe nuk ka vështirësi me furnizimin me energji.
