Zelensky shkarkon të dërguarit e lartë të Ukrainës

Foto nga VCG

Presidenti Volodymyr Zelensky njoftoi se ka shkarkuar disa nga të dërguarit e lartë të Ukrainës jashtë vendit, përfshirë ambasadorin në Gjermani, shkruan

“China Daily”.

Zelensky njoftoi shkarkimin e ambasadorëve të Ukrainës në Gjermani, Republikën Çeke, Hungari, Indi dhe Norvegji, duke thënë se kandidatët e rinj po përgatiteshin për postet.

“Ky rotacion është një pjesë normale e praktikës diplomatike”, -deklaroi presidenti ukrainas.

Zelensky u ka kërkuar diplomatëve të tij që të mbledhin mbështetjen ndërkombëtare dhe ndihmën ushtarake për Ukrainën.

Ukraina dhe Gjermania janë në mosmarrëveshje për një turbinë të prodhimit gjerman që i nënshtrohet mirëmbajtjes në Kanada.

Gjermania dëshiron që Kanadaja t'ia kthejë turbinën kompanisë ruse të gazit natyror “Gazprom” për të pompuar gaz në Evropë, por Ukraina i kishte kërkuar Kanadasë që ta mbante turbinën, duke thënë se një kthim do të shkelte sanksionet kundër Rusisë.

Turbinat po i nënshtrohen mirëmbajtjes në një vend kanadez në pronësi të kompanisë gjermane “Siemens”.

Gjermania bën të ditur se ka qenë në kontakt të rregullt me Otavën zyrtare në javët e fundit, në mënyrë që të sigurojë transferimin e shpejtë të turbinës në Evropë.

Presidenti rus Vladimir Putin ka sinjalizuar se Kremlini nuk është i disponueshëm për kompromis, duke thënë se sanksionet kundër Rusisë rrezikojnë të shkaktojnë rritje katastrofike të çmimit të energjisë.