Euro bie në nivelin më të ulët të 20 viteve kundrejt dollarit amerikan

Foto nga VCG

Euro ra të martën kundrejt dollarit amerikan, duke arritur nivelin më të ulët të 20 viteve prej 1.029 dollarësh. Monedha e përbashkët e ndarë nga 19 shtete anëtare evropiane vazhdoi të dobësohej, duke humbur mbi një për qind kundrejt dollarit amerikan. Norma e referencës së euros kundrejt dollarit amerikan ishte 1,0455, sipas Bankës Qendrore Evropiane (BQE), citon “Xinhua”.

Euro ka rënë mbi nëntë për qind kundrejt dollarit amerikan që nga fillimi i këtij viti, sipas BQE.

Inflacioni në zonën e euros ka ardhur në rritje, gjë që vëzhguesit e tregut thonë se mund të dëmtojë besimin e konsumatorëve dhe të rëndojë rritjen ekonomike. Sipas zyrës statistikore të Bashkimit Evropian, inflacioni vjetor në eurozonë u rrit në 8.6 për qind në qershor, nga 8.1 për qind në maj. (Elona)