Foto: VCG
Në Institutin Konfuci, në varësi të Universitetit të Zagrebit, në Kroaci, u zhvillua përmes lidhjes me video konkursi i 21-të i gjuhës kineze “Chinese Bridge” për studentët e kolegjit dhe i 15-i për nxënësit e shkollave të mesme.
Ambasadori kinez Qi Qianjin, i pranishëm në këtë event, deklaroi se mësimi i kinezishtes mund të shërbejë si një urë për të kuptuar më mirë Kinën. Ai shprehu besimin se gjithnjë e më shumë kroatë do të mësojnë kinezisht për të nxitur miqësinë dhe bashkëpunimin midis dy vendeve, citon “Xinhua”.
Damir Boras, president i Universitetit të Zagrebit, tha se me zhvillimin e shpejtë të ekonomisë së Kinës, është shumë e nevojshme dhe e rëndësishme të mësohet gjuha kineze.
Në konkurs morën pjesë pesë nxënës të shkollave të mesme dhe tre studentë të kolegjit nga e gjithë Kroacia, duke përfshirë një test me shkrim, duke mbajtur një fjalim të shkurtër, duke iu përgjigjur pyetjeve dhe duke bërë një shfaqje talentesh.
Bernada Zoricic nga shkolla e mesme “Pazin” dhe Vanessa Gaza nga Universiteti i Zagrebit fituan çmimet kryesore në grupet e nxënësve të shkollave të mesme dhe të kolegjit. Ato do të përfaqësojnë Kroacinë në garën e nivelit kontinental.
Instituti Konfuci u krijua në vitin 2012, i bashkorganizuar nga Universiteti i Biznesit dhe Ekonomisë Ndërkombëtare të Shangait dhe Universiteti i Zagrebit. (Irma)
